Amrit Bharat Express: नव्या लुकमध्ये तयार अमृत भारत एक्सप्रेस, बदलणार प्रवासाचा अनुभव...पाहा खास फोटो

अमृत भारत एक्सप्रेस ट्रेन नव्या डिझाइन आणि नव्या अनुभवासह सज्ज झाली आहे. ही ट्रेन कमी पैशात सुरक्षित, आरामदायी आणि अगदी लक्झरी प्रवास घडवेल. विशेष म्हणजे, या ट्रेनचं भाडं इतर गाड्यांपेक्षा कमी आहे.

Image Credit : ANI

भारतीय रेल्वेने प्रवाशांना दिली एक मोठी भेट

भारतीय रेल्वेने प्रवाशांना एक मोठी भेट दिली आहे. प्रवाशांची सुरक्षा आणि सोय वाढवण्यासाठी रेल्वेने अमृत भारत एक्सप्रेससाठी नवीन डिझाइनचे कोच आणि सुधारित टॉयलेट्सचे मॉडेल तयार केले आहेत. इतकंच नाही, तर हे डबे वेगवेगळ्या रंगांच्या थीमने सजवले आहेत.

Image Credit : ANI

रेल्वेमंत्री काय म्हणाले?

५ मार्च रोजी रेल्वेमंत्री अश्विनी वैष्णव यांनी नवी दिल्लीत अमृत भारत कोचच्या स्लीपर डब्याच्या नमुन्याची पाहणी केली. त्यांनी स्वतः या कोचमधील सुविधा तपासल्या.

🚆 Passengers की सुरक्षा और सुविधा बढ़ाने के लिए रेलवे ने नए डिज़ाइन के coach और बेहतर टॉयलेट्स के मॉडल तैयार किए हैं। मौजूदा coach को अपग्रेड कर एक सैंपल coach तैयार किया गया है। pic.twitter.com/nIXwplAI5A

— Ashwini Vaishnaw (@AshwiniVaishnaw) April 4, 2026

Image Credit : ANI

ही ट्रेन ३० डिसेंबर २०२३ रोजी सुरू

सध्या अमृत भारत एक्सप्रेस देशातील सुमारे ९ मार्गांवर धावत आहे. ही ट्रेन ३० डिसेंबर २०२३ रोजी सुरू करण्यात आली होती. सरकारने ही ट्रेन स्वस्त आणि लांब पल्ल्याच्या प्रवासासाठी सुरू केली आहे. ही एक आधुनिक नॉन-एसी सुपरफास्ट ट्रेन सेवा आहे.

Image Credit : ANI

भाडं किती?

अमृत भारत एक्सप्रेसने १००० किमीपर्यंतच्या प्रवासासाठी ५०० रुपये भाडं आहे. प्रत्येक ट्रेनमध्ये ११ जनरल कोच, ८ स्लीपर कोच, १ पॅन्ट्री कार आणि २ सेकंड क्लास-कम-लगेज डबे आहेत. सणासुदीच्या काळात आणि गर्दीच्या वेळी प्रवाशांची सोय व्हावी, यासाठी ही ट्रेन खास डिझाइन केली आहे.