१ नोव्हेंबरपासून बदलणारे ६ नियम, क्रेडिट कार्ड ते रेल्वे तिकीट

दरमहा आर्थिक नियमांमध्ये काही बदल होत असतात. १ नोव्हेंबरपासून क्रेडिट कार्ड, एलपीजी आणि रेल्वे तिकिटापासून ते एफडी डेडलाइनपर्यंत नियमांमध्ये बदल होणार आहेत. हे बदल थेट सामान्य जनतेवर परिणाम करणार आहेत. त्यामुळे बदलणाऱ्या नियमांबद्दल सर्वांनी जाणून घेणे आवश्यक आहे. या लेखात आपण बदलणाऱ्या नियमांबद्दल जाणून घेऊया.

एलपीजी सिलिंडरची किंमत

दरमहा पेट्रोलियम कंपन्या एलपीजी सिलिंडरच्या किमतीत वाढ किंवा घट करतात. नवीन किंमती महिन्याच्या पहिल्या दिवसापासून लागू होतात. घरगुती वापरासाठी १४ किलो आणि व्यावसायिक वापरासाठी १९ किलो सिलिंडरच्या किंमती जाणून घ्याव्या लागतील. जुलैमध्ये व्यावसायिक सिलिंडरच्या किमतीत घट झाली होती. त्यानंतर तीन महिने किंमती वाढत असताना, घरगुती वापराच्या सिलिंडरच्या किमतीत कोणताही बदल झालेला नाही. 

एटीएफ आणि सीएनजी-पीएनजीच्या किंमती

एलपीजी सिलिंडरच्या किमतीसोबतच पेट्रोलियम कंपन्या सीएनजी-पीएनजी आणि एअर टर्बाइन फ्युएल (एटीएफ) चे दरही सुधारित करतात. त्यामुळे यांच्या दरातही बदल होत असतात.

क्रेडिट कार्डचे नियम  

१ नोव्हेंबरपासून देशातील सर्वात मोठी बँक असलेल्या स्टेट बँक ऑफ इंडियाच्या (State Bank Of India) एसबीआय कार्डमध्ये (SBI Card) महत्त्वपूर्ण बदल होणार आहेत. या कार्डद्वारे युटिलिटी बिल पेमेंट्स आणि फायनान्स चार्ज करणाऱ्या वापरकर्त्यांना १ नोव्हेंबरपासून दरमहा अन-सिक्युअर्ड एसबीआय क्रेडिट कार्डवर ३.७५ रुपये शुल्क आकारले जाईल. ५० हजारांपेक्षा जास्त मूल्याच्या व्यवहारांवर १% अतिरिक्त शुल्क आकारले जाईल. 

पैसे हस्तांतरणाचे नियम

भारतीय रिझर्व्ह बँकेने (RBI) डोमेस्टिक मनी ट्रान्सफर (DMT) साठी नवीन नियम जाहीर केले आहेत. हे नियम १ नोव्हेंबर २०२४ पासून लागू होतील. बँकिंग फसवणूक रोखण्यासाठी रिझर्व्ह बँकेने हे नवीन नियम आणले आहेत. 

रेल्वे तिकिटातील बदल 

भारतीय रेल्वेच्या रेल्वे तिकिटाच्या अॅडव्हान्स रिझर्व्हेशन पिरियड (ARP) मध्ये प्रवासाचा दिवस समाविष्ट नाही, १ नोव्हेंबर २०२४ पासून १२० दिवसांवरून ६० दिवसांपर्यंत कमी करण्यात आला आहे. तिकीट खरेदी प्रक्रिया सुलभ करण्यासाठी अॅडव्हान्स बुकिंगच्या दिवसांची संख्या कमी करण्यात आली आहे, असे भारतीय रेल्वेने म्हटले आहे. 

१३ दिवस बँक सुट्टी 

नोव्हेंबर २०२४ मध्ये बँका १३ दिवस बंद राहतील. त्यामुळे बँकेत जाऊन आर्थिक व्यवहार करणाऱ्या ग्राहकांनी सुट्ट्यांची माहिती जाणून घेणे आवश्यक आहे. भारतीय रिझर्व्ह बँकेने विशिष्ट राष्ट्रीय सुट्ट्यांची यादी दिली आहे, ज्यामुळे ग्राहक सेवांमधील व्यत्ययांसाठी स्वतःला तयार करू शकतात.