Ramadan Recipes: इफ्तारपासून सेहरीपर्यंत, रमजानमध्ये ऊर्जा देतील या 5 खास डिश!
5 Healthy Ramadan Recipes : रमजानच्या काळात योग्य आहार खूप महत्त्वाचा असतो. इफ्तार आणि सेहरीसाठी पौष्टिक पदार्थ निवडल्यास केवळ झटपट ऊर्जाच मिळत नाही, तर पचनक्रिया सुधारते आणि दिवसभर शरीर ताजेतवाने राहते.
रमजानसाठी ५ बेस्ट इफ्तार डिश
खजूर आणि ड्रायफ्रूट्स मिल्कशेक
रमजानमध्ये खजूर खाऊन रोजा सोडणं सर्वोत्तम मानलं जातं. हा मिल्कशेक प्यायल्याने शरीराला झटपट ऊर्जा मिळते.
साहित्य: खजूर, दूध, बदाम, काजू आणि मध.
कृती: खजुरातील बिया काढून सर्व ड्रायफ्रूट्स दुधात मिसळा. त्यात थोडे मध घाला. इफ्तारसाठी हा एक हेल्दी आणि टेस्टी पर्याय आहे, जो अशक्तपणा आणि थकवा दूर करतो.
चिकन शोरबा
चिकन शोरबा पचायला हलका आणि पौष्टिक असल्यामुळे रमजानमध्ये तो खूप लोकप्रिय आहे.
साहित्य: चिकन, कांदा, लसूण, आलं, काळी मिरी आणि मीठ.
कृती: सर्व साहित्य पाण्यात टाकून मंद आचेवर उकळवा. चिकन मऊ शिजल्यावर ते गाळून घ्या. रोजा सोडल्यानंतर हे सूप पोटाला आराम देतं.
व्हेज किंवा चिकन समोसा
समोस्यांशिवाय इफ्तारची मजा अपूर्ण आहे. हा कुरकुरीत स्नॅक सगळ्यांनाच आवडतो.
साहित्य: मैदा, उकडलेले बटाटे किंवा चिकन, हिरवी मिरची आणि मसाले.
कृती: सारण तयार करा, मैद्याच्या पट्ट्या बनवा, त्यात सारण भरा आणि सोनेरी-तपकिरी होईपर्यंत तळा. हिरव्या चटणीसोबत सर्व्ह करा. कमी प्रमाणात खाल्ल्यास चव आणि ऊर्जा दोन्ही मिळते.
फ्रूट चाट
दिवसभराच्या उपवासानंतर फ्रूट चाट शरीराला आवश्यक व्हिटॅमिन्स आणि मिनरल्स पुरवतं.
साहित्य: सफरचंद, केळी, पपई, डाळिंब, चाट मसाला आणि लिंबाचा रस.
कृती: सर्व फळे कापून एका भांड्यात एकत्र करा. वरून चाट मसाला आणि लिंबाचा रस घाला. ही डिश पचायला हलकी असते आणि पचनक्रिया सुधारते.
खजुराची खीर
तुम्हाला रमजानसाठी काहीतरी गोड आणि खास बनवायचं असेल, तर खजुराची खीर एक उत्तम पर्याय आहे.
साहित्य: दूध, खजूर, तांदूळ, वेलची आणि ड्रायफ्रूट्स.
कृती: तांदूळ दुधात शिजवून घ्या, नंतर त्यात कापलेले खजूर आणि वेलची घाला. खीर घट्ट झाल्यावर ड्रायफ्रूट्स घालून मिक्स करा. ही खीर चविष्ट आणि ऊर्जा देणारी आहे.
