Asia Cup Trophy Row : डीव्हिलियर्सची भारतीय टीमवर टीका, पाक मंत्र्यांची घेतली बाजू, चाहते हैराण!

Asia Cup Trophy Row : पाकिस्तानच्या मंत्र्याकडून आशिया कप स्वीकारण्यास नकार दिल्याबद्दल डीव्हिलियर्सने भारतीय संघावर टीका केली आहे. भारतातून भरपूर पैसे कमावल्यानंतर आता टीका करणाऱ्या डीव्हिलियर्सवर चाहते नाराज झाले आहेत.

Image Credit : ANI

आशिया कप वाद

आशिया कप फायनलमध्ये भारताने पाकिस्तानला हरवून 9व्यांदा विजेतेपद पटकावले. सामन्यानंतर, खेळाडूंनी पाक मंत्री मोहसिन नक्वी यांच्याकडून ट्रॉफी घेण्यास नकार दिला. आशिया क्रिकेट परिषदेचे अध्यक्ष नक्की यांना याचा राग आला. 

Image Credit : X

मोहसिन नक्वींची कृती

भारताच्या नकारामुळे संतापलेले नक्वी ट्रॉफी घेऊन निघून गेले. विरोधानंतर त्यांनी ट्रॉफी UAE बोर्डाकडे दिली. पाक मंत्र्याच्या या कृतीचा निषेध झाला. दरम्यान, डीव्हिलियर्सने भारताचा निर्णय चुकीचा ठरवला. भारताने असे करायला नको होते, असे त्याने म्हटले आहे.

Image Credit : ANI

भारतीय संघावर डीव्हिलियर्सची टीका

डीव्हिलियर्स म्हणाला, 'ट्रॉफी कोण देतंय यामुळे टीम इंडिया खूश नव्हती. खेळ राजकारणापासून दूर असावा. भारतीय संघाची ही कृती दुःखद आहे. मला आशा आहे की भविष्यात ते हे सुधारतील.'

Image Credit : ANI

भारतीयांच्या जवळचा डीव्हिलियर्स

'मिस्टर 360' म्हणून प्रसिद्ध असलेला डीव्हिलियर्स IPL मध्ये RCB कडून खेळला आहे. तो भारताला आपला दुसरा देश मानतो. भारतात त्याचे प्रचंड चाहते आहेत आणि त्याला खूप प्रेम मिळाले आहे.

Image Credit : Getty

चाहत्यांकडून सडेतोड उत्तर

पाक खेळाडूंच्या कृतीवर न बोलता डीव्हिलियर्सने टीम इंडियावर टीका केल्याने चाहते नाराज आहेत. 'आयपीएलमधून करोडपती झालेल्या डीव्हिलियर्सने भारतावर टीका करणे चुकीचे आहे,' असे चाहते म्हणत आहेत.