Mumbai Local News : मध्य रेल्वेनंतर आता पश्चिम रेल्वेचा मोठा निर्णय; गर्दीतून सुटका, विरार–डहाणू मार्गावर 15 डब्यांच्या लोकल येणार

Mumbai Local : वाढत्या प्रवासी संख्येमुळे, पश्चिम रेल्वेने विरार-डहाणू मार्गावर प्रथमच 15 डब्यांच्या लोकल सुरू करण्याचा निर्णय घेतला. चर्चगेट-विरार मार्गावर एसी लोकलच्या फेऱ्या वाढवण्यात येणार असून, यामुळे लाखो प्रवाशांचा प्रवास अधिक सुखकर होईल.

Image Credit : our own

मध्य रेल्वेनंतर आता पश्चिम रेल्वेचा मोठा निर्णय

Western Railway Update: वाढती प्रवासी संख्या लक्षात घेऊन आता पश्चिम रेल्वेनेही गेमचेंजर पाऊल उचलले आहे. विरार–डहाणू मार्गावर पहिल्यांदाच 15 डब्यांच्या लोकल गाड्या सुरू करण्याचा निर्णय घेण्यात आला असून चर्चगेट–विरार या दैनंदिन ताणलेल्या मार्गावर एसी लोकलच्या फेऱ्यांतही मोठी वाढ होणार आहे. या बदलांमुळे लाखो मुंबईकरांचा प्रवास अधिक आरामदायी होणार आहे. 

Image Credit : Social media

पश्चिम रेल्वेचा मोठा प्लॅन, काय होणार बदल?

विरार–डहाणू मार्गावर 15 डब्यांची लोकल प्रथमच धावणार

मुंबई लोकलमध्ये दररोज प्रचंड गर्दी होत असल्याने 12 डब्यांच्या लोकल गाड्या अनेकवेळा अपुऱ्या पडतात. त्यामुळे पश्चिम रेल्वेने आता विरार–डहाणू मार्गावर सहा 15 डब्यांच्या फेऱ्या सुरू करण्याचा निर्णय घेतला आहे. हा बदल नवीन वर्षाच्या वेळापत्रकासोबत लागू होणार आहे. 

Image Credit : fb

चर्चगेट–विरार मार्गावर एसी लोकलमध्ये वाढ

प्रवाशांच्या सोयीसाठी पश्चिम रेल्वेची आणखी मोठी घोषणा

चर्चगेट–विरार मार्गावर 10 ते 12 अतिरिक्त एसी लोकल फेऱ्या

दोन नवीन एसी लोकल गाड्याही उपलब्ध करून देण्याची तयारी

या गाड्या जानेवारी 2026 पर्यंत मिळण्याची शक्यता

काही नॉन-एसी लोकल ऐवजी एसी लोकल सुरु करण्याचीही योजना

यामुळे गर्दीच्या वेळी वाढणारा ताण लक्षणीयरीत्या कमी होणार आहे. 

Image Credit : X(Twitter)

नवीन वेळापत्रक कधी लागू होणार?

दरवर्षी रेल्वेचे सुधारित वेळापत्रक ऑक्टोबरमध्ये लागू होते. मात्र यंदा

मेल/एक्सप्रेस गाड्यांचे वेळापत्रक 1 जानेवारीपासून

लोकल गाड्यांचे वेळापत्रक मार्च किंवा एप्रिलपासून लागू

अधिकाऱ्यांनी याबाबतची प्राथमिक माहिती दिली आहे. 

Image Credit : social media

वाढत्या लोकसंख्येमुळे पश्चिम मार्गावर ताण

डहाणू–विरार पट्ट्यात गेल्या काही वर्षांत लोकसंख्या आणि औद्योगिक वाढ मोठ्या प्रमाणात झाली आहे. पालघर, बोईसर, वैतरणा, डहाणू आणि विरारमधून रोज लाखो प्रवासी मुंबईकडे ये-जा करतात. 12 डब्यांच्या लोकल गर्दी हाताळण्यात अपुरी ठरू लागल्याने प्रवासात होणारी धक्काबुक्की, त्रास यावर उपाय म्हणून हा मोठा निर्णय घेण्यात आला आहे. 

Image Credit : SOCIAL MEDIA

प्रवाशांसाठी मोठा दिलासा

15 डब्यांच्या लोकल आणि वाढीव एसी सेवांमुळे

गर्दीच्या वेळी ताण कमी

प्रवास अधिक आरामदायी व सुरक्षित

बसण्याच्या सुविधा वाढणार

दीर्घ अंतराच्या प्रवाशांना मोठी सोय

मुंबईकरांसाठी हा खरंच “नववर्षाचा गिफ्ट” ठरणार आहे.