शरद पवार यांना कफ आणि श्वसनमार्गातील संसर्गामुळे मुंबईतील ब्रीच कँडी रुग्णालयात दाखल करण्यात आले आहे. त्यांची प्रकृती स्थिर असून उपचार सुरू असल्याची माहिती डॉक्टरांनी दिली.
मुंबई : राष्ट्रवादी काँग्रेसचे ज्येष्ठ नेते आणि शरद पवार गटाचे अध्यक्ष शरद पवार यांना पुन्हा एकदा रुग्णालयात दाखल करण्यात आले आहे. कफ आणि श्वसनमार्गातील संसर्गाचा त्रास जाणवत असल्याने त्यांना मुंबईतील ब्रीच कँडी रुग्णालयात दाखल करण्यात आले. दरम्यान, शरद पवार यांची प्रकृती सध्या स्थिर असून त्यांच्यावर उपचार सुरू असल्याची माहिती डॉक्टरांनी दिली आहे. त्यामुळे त्यांच्या प्रकृतीबाबत व्यक्त केली जाणारी चिंता काहीशी कमी झाली आहे.
शरद पवार यांची प्रकृती स्थिर; डॉक्टरांकडून महत्त्वाची माहिती
शरद पवार यांच्यावर उपचार करणाऱ्या डॉक्टरांनी त्यांच्या प्रकृतीबाबत माहिती दिली. त्यांना कफ आणि श्वसननलिकेतील संसर्गाचा त्रास असून सध्या त्यांच्यावर उपचार सुरू आहेत. त्यांची प्रकृती स्थिर असल्याचे डॉक्टरांनी स्पष्ट केले.
सुप्रिया सुळे यांनी व्हॉट्सॲप स्टेटसद्वारे दिली माहिती
शरद पवार यांना पुढील तपासणीसाठी मुंबईतील ब्रीच कँडी रुग्णालयात दाखल करण्यात आल्याची माहिती खासदार सुप्रिया सुळे यांनी व्हॉट्सॲप स्टेटसच्या माध्यमातून दिली होती. यापूर्वी प्रकृती अस्वास्थ्यामुळे त्यांना पुण्यातील रुबी हॉल रुग्णालयात दाखल करण्यात आले होते. त्यानंतर आता पुढील तपासणी आणि उपचारांसाठी त्यांना मुंबईत आणण्यात आले आहे.
Related Articles
रोहित पवारांनी सांगितले रुग्णालयात दाखल करण्यामागचे कारण
आमदार रोहित पवार यांनीही शरद पवार यांच्या प्रकृतीबाबत माहिती दिली. दर चार ते पाच महिन्यांनी शरद पवार यांची नियमित तपासणी केली जाते. बाहेर दौरे करताना व्हायरल इन्फेक्शन होण्याची शक्यता असते. त्यामुळे पुण्यातील रुबी हॉल रुग्णालयात त्यांची नियमित तपासणी करण्यात आली होती. त्यानंतर मुंबईतही पुन्हा एकदा तपासणी करून घ्यावी, असे सुप्रिया सुळे आणि कुटुंबीयांचे मत होते. त्यामुळे त्यांना मुंबईत आणण्यात आल्याचे रोहित पवार यांनी स्पष्ट केले.
