नवी मुंबई विमानतळाजवळील ५२८६ एकर जमीन रिलायन्सकडे

मुंबई: नवी मुंबई विमानतळ, जेएनपीटी आणि मुंबई ट्रान्स हार्बर लिंक प्रकल्पाजवळील ५,२८६ एकर जमिनीचा महाराष्ट्रातील सर्वात मोठा औद्योगिक भूखंड रिलायन्स इंडस्ट्रीज लिमिटेडने केवळ २,२०० कोटी रुपयांना विकत घेतला आहे. अर्बन इन्फ्रास्ट्रक्चर होल्डिंग्ज प्रायव्हेट लिमिटेडमध्ये ३२% भागभांडवल असलेल्या जय कॉर्पोरेशन लिमिटेडचे प्रवर्तक आनंद जैन यांनी कंपनीच्या इजीएममध्ये भांडवल कपातीच्या प्रस्तावाला भागधारकांची मंजुरी मिळवली. त्यानंतर शेअर बाजारातील नोंदणीमध्ये कंपनीने माहिती दिली की, तिची उपकंपनी अर्बन इन्फ्रास्ट्रक्चर होल्डिंग्ज प्रायव्हेट लिमिटेडच्या उपकंपनी असलेल्या द्रोणगिरी इन्फ्रास्ट्रक्चर प्रायव्हेट लिमिटेड (DIPL) ने नवी मुंबई IIA प्रायव्हेटमधील आपला ७४% हिस्सा १,६२८.०३ कोटींना विकला आहे. कंपनीचे मूल्यांकन २,२०० कोटी रुपये असल्याचे रिलायन्स इंडस्ट्रीज लिमिटेडने सांगितले. मुकेश अंबानी यांच्या नेतृत्वाखालील RIL ने डिसेंबर १३ रोजी एक्स्चेंजला ही माहिती दिली.

(CIDCO) ने नवी मुंबई IIA प्रायव्हेट लिमिटेड (NMIIA) चे ७४%, म्हणजेच ५७.१२ कोटी इक्विटी शेअर्स, प्रति शेअर २८.५० रुपये दराने, एकूण १,६२८.०३ कोटी रुपयांना खरेदी केले आहेत. यापूर्वी याला नवी मुंबई SEZ असे म्हटले जात होते. या प्रकल्पाचे इक्विटी मूल्य २,२०० कोटी रुपये आहे.

खरेदी केल्यानंतर, NMIIA कंपनीची ७४% उपकंपनी झाली आहे असे शेअर बाजाराला सांगण्यात आले. NMIIA ची स्थापना १५ जून २००४ रोजी झाली आणि महाराष्ट्रात एकात्मिक औद्योगिक क्षेत्र (IIA) विकासात गुंतलेली आहे. मार्च २०१८ मध्ये नवी मुंबई IIA लिमिटेडला SEZ मधून एकात्मिक औद्योगिक क्षेत्र (IIA) मध्ये रूपांतरित करण्यास महाराष्ट्र सरकारने परवानगी दिली. NMIIA ला द्रोणगिरी, कलांबोलीच्या अधिसूचित क्षेत्रांसाठी विशेष नियोजन प्राधिकरण म्हणून नियुक्त करण्यात आले आहे.

मुंबई ट्रान्स हार्बर लिंक (अटल सेतू) आणि नवी मुंबई विमानतळ सुरू झाल्यानंतर नवी मुंबई SEZ ची आर्थिक क्षमता १ लाख कोटी रुपयांपेक्षा जास्त असल्याचा अंदाज आहे. येणारे नवी मुंबई आंतरराष्ट्रीय विमानतळ, जवाहरलाल नेहरू बंदर, मुंबई ट्रान्स हार्बर लिंक आणि मुंबई-पुणे एक्सप्रेस वेच्या जवळ असल्याने NMIIA हे एक महत्त्वाचे औद्योगिक क्षेत्र आहे. RIL ने आपल्या निवेदनात म्हटले आहे की, ही गुंतवणूक संबंधित पक्षाचा व्यवहार नाही आणि कंपनीचे प्रवर्तक, प्रवर्तक गट किंवा समूह कंपन्या या व्यवहारात सहभागी नाहीत.
अर्बन इन्फ्रास्ट्रक्चर होल्डिंग्ज प्रायव्हेट लिमिटेडकडे द्रोणगिरी इन्फ्रास्ट्रक्चरमध्ये ९९% भागभांडवल आहे, ज्याच्याकडे नवी मुंबई IIA प्रायव्हेट लिमिटेडमध्ये ७४% भागभांडवल आहे. उर्वरित भागभांडवल सरकारी संस्था CIDCO कडे आहे.