मुंबईकरांची लॉटरी! बीडीडी चाळीतल्या छोट्या खोलीचा वनवास संपला; आता मिळणार हक्काचं मोफत '2 BHK' घर!

BDD Chawl redevelopment project: मुंबईतील बीडीडी चाळ पुनर्विकास प्रकल्पांतर्गत नायगाव येथील रहिवाशांना दिलासा मिळाला. पिढ्यानपिढ्या १६० चौरस फुटांच्या घरात राहणाऱ्या ८६४ कुटुंबांना म्हाडातर्फे ५०० चौरस फुटांचे २ बीएचके घर पूर्णपणे मोफत मिळणार आहे. 

Image Credit : our own

मुंबईकरांची लॉटरी! बीडीडी चाळीतल्या छोट्या खोलीचा वनवास संपला

मुंबई: मुंबईत स्वतःच्या हक्काचं घर असावं, हे प्रत्येक सर्वसामान्याचं स्वप्न असतं. त्यातही दक्षिण मुंबईत हक्काची जागा मिळणं म्हणजे दुग्धशर्करा योगच! पिढ्यानपिढ्या अवघ्या १६० चौरस फुटांच्या खुराड्यात राहणाऱ्या शेकडो कुटुंबांचं नशीब आता फळफळलं आहे. बीडीडी चाळ पुनर्विकास प्रकल्पांतर्गत (BDD Chawl Redevelopment) नागरिकांना आता चक्क ५०० चौरस फुटांचे अलिशान २ BHK घर मिळणार आहे, तेही पूर्णपणे मोफत! 

Image Credit : our own

नेमकी कोणाची लॉटरी लागली?

म्हाडामार्फत राबवल्या जाणाऱ्या या महाप्रकल्पात नायगाव येथील रहिवाशांना पहिल्या टप्प्यात या घरांचा ताबा मिळणार आहे. ज्या रहिवाशांनी अनेक वर्षं छोट्या खोल्यांमध्ये काढली, त्यांना आता अत्याधुनिक इमारतीमध्ये राहायला मिळणार आहे. 

Image Credit : Twitter

महत्त्वाचे तपशील

कुठे मिळणार घर? नायगाव बीडीडी चाळ पुनर्विकास प्रकल्प.

किती कुटुंबं ठरणार भाग्यवान? पहिल्या टप्प्यात तब्बल ८६४ पात्र रहिवाशांना घरांच्या चाव्या सोपवण्यात येणार आहेत.

घराचा आकार: पूर्वीच्या १६० चौ. फुटांऐवजी आता ५०० चौ. फूट चटई क्षेत्र (Carpet Area) असलेले मोठे घर मिळेल.

सद्यस्थिती: नायगावमध्ये एकूण २० टॉवर्स उभारले जात आहेत. त्यापैकी पहिल्या इमारतीतील ८ टॉवर्समधील घरांचे वाटप होणार आहे. 

Image Credit : Twitter

उर्वरित घरांचं काय?

ज्या रहिवाशांना पहिल्या यादीत स्थान मिळाले नाही, त्यांच्यासाठीही आनंदाची बातमी आहे. प्रकल्पातील उर्वरित ५३७ घरांचे बांधकाम आता अंतिम टप्प्यात आले आहे. म्हाडाच्या नियोजनानुसार, एप्रिल महिन्यापर्यंत ही कामे पूर्ण होण्याची दाट शक्यता आहे. त्यामुळे लवकरच संपूर्ण नायगाव बीडीडी परिसराचा चेहरामोहरा बदललेला पाहायला मिळेल.