अनंत अंबानी आणि राधिका मर्चंट यांच्या लग्न सोहळ्याला अक्षय कुमार फार उशिरा पोहचला. त्यानंतर तो तेथे आल्यानंतर त्याला सोशल मीडियावर प्रेक्षकांनी वेगवेगळे प्रश्न विचारल्याचे दिसून आले आहे.
अनंत अंबानी आणि राधिका मर्चंट यांचे तिसरे रिसेप्शन सोमवारी मुंबईतील जिओ वर्ल्ड सेंटरमध्ये झाले. हे रिसेप्शन अशा लोकांसाठी ठेवण्यात आले होते जे काही कारणास्तव पहिल्या आणि दुसऱ्या रिसेप्शनला उपस्थित राहू शकले नाहीत. हे रिसेप्शन खासकरून मीडियाचे लोक आणि अंबानींच्या संस्थांमधील कर्मचाऱ्यांसाठी आयोजित करण्यात आले होते. अंबानी कुटुंबाच्या सुरक्षेमध्ये गुंतलेल्या विविध एजन्सीच्या कर्मचाऱ्यांसाठीही या रिसेप्शनचे आयोजन करण्यात आले होते. सुपरस्टार अक्षय कुमारनेही अनंत आणि राधिकाच्या रिसेप्शनला पाहुणे म्हणून हजेरी लावली होती. त्यांच्यासोबत त्यांची पत्नी ट्विंकल खन्नाही उपस्थित होती.
अनंत अंबानी-राधिका मर्चंटच्या रिसेप्शनला अक्षय कुमार पोहोचला
सुपरस्टार अक्षय कुमार पत्नी ट्विंकल खन्नासोबत सोमवारी अनंत अंबानी आणि राधिका मर्चंटच्या लग्नाच्या रिसेप्शनला पोहोचला. या प्रसंगाचा त्यांचा व्हिडिओ सोशल मीडियावर व्हायरल होत आहे. यावेळी अक्षय कुमारने चमकदार कुर्ता परिधान केला होता, तर ट्विंकल खन्ना देखील चमकदार सूटमध्ये दिसली. त्याचा व्हिडिओ पाहून इंटरनेट यूजर्स विविध प्रकारच्या कमेंट करत आहेत.
अनंत-राधिकाच्या रिसेप्शनमध्ये अक्षय कुमारला पाहून लोकांनी अशा कमेंट्स केल्या
अनंत अंबानी आणि राधिका मर्चंटच्या रिसेप्शनमध्ये अक्षय कुमार आणि ट्विंकल खन्ना पाहिल्यानंतर एका इंटरनेट यूजरने लिहिले की, "मी घरीच थांबलो असतो. त्यांना नंतर भेटलो असतो." आणखी एका यूजरने लिहिले की, "आता अंबानी कुटुंब देखील कोरोना पॉझिटिव्ह असेल." एका वापरकर्त्याने विचारले आहे, "त्याला कोविड आहे का?" एका यूजरने लिहिले आहे की, "कोरोना 2 दिवसात बरा झाला?" एका यूजरने लिहिले आहे की, "कोरोना हे एक निमित्त होते. काही लोक आहेत ज्यांचा त्याला सामना करायचा नव्हता, म्हणून तो आला नाही. सगळे निघून गेल्यावर तो आला." अनंत-राधिकाच्या लग्नाआधीच अक्षय कुमारला कोरोनाची लागण झाल्याची बातमी आली होती, त्यामुळे तो अंबानी कुटुंबाच्या कार्यक्रमाला उपस्थित राहू शकणार नाही.
