Mumbai Mega Block : मुंबई लोकलवर आतापर्यंतचा सर्वात मोठा ब्लॉक; 6 दिवसांत 470 लोकल फेऱ्या रद्द, एक्स्प्रेसही प्रभावित

Mumbai Mega Block : पश्चिम रेल्वेने कांदिवली ते बोरिवली दरम्यान सहाव्या मार्गिकेच्या कामासाठी ३० दिवसांचा भव्य मेगाब्लॉक जाहीर केला. या काळात सरासरी ८० लोकल फेऱ्या रद्द होणार असून काही लांब पल्ल्याच्या गाड्यांच्या थांब्यांमध्येही बदल करण्यात आला. 

Image Credit : social media

मुंबई लोकलवर आतापर्यंतचा सर्वात मोठा ब्लॉक

Mumbai Local News : वर्षाअखेरीस मुंबईकरांना मोठ्या वाहतूक अडथळ्याला सामोरे जावे लागणार आहे. पश्चिम रेल्वेने कांदिवली ते बोरिवली दरम्यान सुरू असलेल्या सहाव्या मार्गिकेच्या अंतिम टप्प्यातील कामासाठी भव्य मेगाब्लॉक जाहीर केला आहे. आजपासून 18 जानेवारी 2026 पर्यंत तब्बल 30 दिवस हा ट्रॅफिक ब्लॉक लागू राहणार असून, या कालावधीत मोठ्या प्रमाणावर लोकल सेवा रद्द करण्यात येणार आहे. 

Image Credit : X(Twitter)

6 दिवसांत 470 लोकल फेऱ्या रद्द

रेल्वे प्रशासनाच्या माहितीनुसार, या मेगाब्लॉकदरम्यान दररोज सरासरी 80 लोकल फेऱ्या रद्द केल्या जाणार आहेत. केवळ पहिल्या 6 दिवसांतच 470 लोकल फेऱ्या रद्द होणार असल्याने, विशेषतः सकाळी आणि संध्याकाळी कामावर जाणाऱ्या प्रवाशांची मोठी गैरसोय होण्याची शक्यता आहे. त्यामुळे प्रवाशांना नेहमीपेक्षा लवकर घरातून निघण्याचा सल्ला देण्यात आला आहे. 

Image Credit : Getty

कांदिवली–बोरिवलीदरम्यान अंतिम टप्प्यातील महत्त्वाचे काम

कांदिवली ते बोरिवली हा पश्चिम रेल्वेवरील सर्वाधिक वर्दळीचा मार्ग मानला जातो. याच ठिकाणी सहाव्या मार्गिकेचे शेवटचे आणि निर्णायक काम सुरू आहे.

या टप्प्यात

नवीन रेल्वे ट्रॅक जोडणी

सिग्नलिंग यंत्रणेचे आधुनिकीकरण

ओव्हरहेड वायर (OHE) बसवण्याचे काम

केले जाणार आहे. हे काम पूर्ण झाल्यानंतर सहावी मार्गिका पूर्ण क्षमतेने कार्यान्वित होणार आहे. 

Image Credit : Getty

एक्स्प्रेस गाड्यांच्या थांब्यांमध्ये बदल

या ब्लॉकचा परिणाम केवळ लोकलवरच नव्हे, तर मेल आणि एक्स्प्रेस गाड्यांवरही होणार आहे.

रेल्वे प्रशासनाने स्पष्ट केले आहे की

काही लांब पल्ल्याच्या गाड्यांच्या वेळापत्रकात बदल करण्यात आला आहे

काही गाड्यांचे बोरिवली स्थानकावरील थांबे तात्पुरते रद्द करण्यात आले आहेत

काही एक्स्प्रेसना अंधेरी व वसई रोड येथे अतिरिक्त थांबे देण्यात आले आहेत

त्यामुळे प्रवाशांनी प्रवासापूर्वी आपल्या गाडीचा थांबा आणि वेळ तपासणे अत्यावश्यक आहे 

Image Credit : Getty

मेगाब्लॉकनंतर प्रवाशांना काय फायदा होणार?

रेल्वे प्रशासनानुसार, हे काम पूर्ण झाल्यानंतर

मेल आणि एक्स्प्रेस गाड्यांसाठी स्वतंत्र मार्गिका उपलब्ध होईल

लोकल मार्गिकेवरील ताण मोठ्या प्रमाणात कमी होईल

लोकल गाड्या अधिक वेळेवर धावण्यास मदत होईल

भविष्यात लोकल फेऱ्यांची संख्या वाढवण्याचा मार्ग मोकळा होईल 

Image Credit : Getty

सहावी मार्गिका कधी सुरू होणार?

जर काम नियोजित वेळेत पूर्ण झाले, तर जानेवारी 2026 अखेरीस कांदिवली–बोरिवली सहावी मार्गिका मेल आणि एक्स्प्रेस गाड्यांसाठी खुली होण्याची शक्यता रेल्वे सूत्रांनी व्यक्त केली आहे. 

Image Credit : Getty

प्रवाशांसाठी महत्त्वाचे आवाहन

पश्चिम रेल्वेने प्रवाशांना आवाहन केले आहे की,

प्रवासापूर्वी अद्ययावत वेळापत्रक तपासा

रद्द किंवा बदललेल्या गाड्यांची माहिती रेल्वेच्या अधिकृत वेबसाइट, ॲप किंवा सोशल मीडिया हँडल्सवरून घ्या

गर्दी टाळण्यासाठी पर्यायी प्रवास पर्यायांचा विचार करा