Mumbai Ganpati Visarjan 2026 Live Updates: मुंबईत गणपती बाप्पाच्या विसर्जनाची धूम, भाविकांची अलोट गर्दी

मुंबईचा राजा भायखळ्यातील बकरी अड्ड्याजवळ पोहोचला आहे. 

राजा तेजुकायाचा बाप्पा गिरगाव चौपाटीच्या दिशेने मार्गस्थ होत आहे. 

मुंबईच्या राजावर श्रॉफ बिल्डिंगच्या येथे पुष्पवृष्टी करण्यात आली. याचाच खास फोटो पाहा

लालबागचा राजा विसर्जनाठी मार्गस्थ झाला आहे. यासाठी भाविकांनी मोठी गर्दी करत त्याला निरोप देण्यासाठी पोहोचले आहेत.सध्या लालबागचा परिसर गुलालात माखून निघाला आहे.

लालबागचा राजा विसर्जनासाठी मंडपाजवळ पोहोचला आहे. येथे राजावर पुष्पवृष्टीसह गुलाल उधळला जाणार आहे. 

परळच्या विघ्नहर्ताची विसर्जन मिरवणूक सुरू झाली आहे. ही मुर्ती सिद्धेश दिघोळे यांनी साकारली आहे.

परळचा लंबोदर विसर्जनासाठी लालबाग परिसरात पोहोचला आहे.

परळचा सम्राट आणि परळचा लंबोदर विसर्जनासाठी मार्गस्थ झाले आहेत. दोन्ही गणपती लालबाग परिसरात पोहोचले आहेत. 

परळचा महाराजाचा विसर्जनासाठी मार्गस्थ झाला आहे. उत्तम बॅलेंन्सिंगचा उदाहरण असलेली ही मुर्ती नेहमीच आकर्षणाचा बिंदू ठरते. 

चिंचपोकळीचा चिंतामणी विसर्जनासाठी मंडपातून बाहेर आला आहे. 

काळाचौकीचा महाराजाचा श्रॉफ बिल्डिंगजवळ पोहोचला आहे. येथे बाप्पावर पुष्पवृष्टी केली जाणार आहे. 

रंगारी बदक चाळीचा महाराजा विसर्जनासाठी मार्गस्थ झाला आहे. 

राजा तेजुकायाच्या मिरवणुकीलाही सुरुवात झाली आहे. संपूर्ण लालबाग-परळ भाग आज गुलालाने माखला जाणार आहे. मिरवणुकीसाठी भाविकांनी मोठ्या संख्येने गर्दी करत बाप्पाला निरोप देत आहेत. 

लालाबागच्या राजाची मिरवणूक सुरू होण्याआधी आता आरती केली जात आहे. यानंतर राजा मिरवणूकीसाठी मार्गस्थ होणार आहे. 

लालबागमधील मुंबईच्या राजाच्या विसर्जन मिरवणूकीला सुरुवात झाली आहे. यासाठी भाविकांमध्ये मोठा उत्साह पाहायला मिळत आहे. मोठ्या जल्लोषात बाप्पाला निरोप दिला जात असून गुलालाची उधळण केली जात आहे.