मुंबईवर इंधन संकटाचे सावट! पेट्रोल-डिझेल ५० दिवस पुरेल, पण CNG चे काय? १२ लाख वाहनचालकांची धाकधूक वाढली

CNG shortage in Mumbai: इराण-अमेरिका संघर्षामुळे मुंबईत इंधन पुरवठ्यात अनिश्चितता निर्माण झाली असून, सीएनजी टंचाईचे संकट ओढवले आहे. पेट्रोल-डिझेलचा साठा पुरेसा असला तरी, पंपांवरील गॅसचा दाब कमी झाल्याने आणि पुरवठा विस्कळीत होण्याची शक्यता आहे.

Image Credit : twitter

मुंबईवर इंधन संकटाचे सावट!

मुंबई: जागतिक स्तरावरील इराण-अमेरिका संघर्षाचे पडसाद आता थेट मुंबईकरांच्या खिशावर आणि प्रवासावर पडू लागले आहेत. युद्धजन्य परिस्थितीमुळे इंधन पुरवठ्यात अनिश्चितता निर्माण झाली असून, मुंबईत सीएनजी (CNG) टंचाईची टांगती तलवार निर्माण झाली आहे. पेट्रोल आणि डिझेलचा साठा पुरेसा असला तरी, गॅसवर चालणाऱ्या वाहनांसाठी आगामी आठवडा अत्यंत कळीचा ठरणार आहे.

Image Credit : twitter

पेट्रोल-डिझेल 'ओक्के', पण गॅसचा 'प्रेशर' लो!

मुंबईतील पेट्रोल पंप चालकांनी दिलेल्या माहितीनुसार, शहरात ४५ ते ५० दिवस पुरेल इतका पेट्रोल आणि डिझेलचा साठा उपलब्ध आहे. मात्र, सीएनजीच्या बाबतीत चित्र थोडे चिंताजनक आहे.

मागणी: मुंबईत दररोज साधारण १० लाख किलो सीएनजीची गरज भासते.

समस्या: सध्या पुरवठा होत असला तरी, पंपांवरील गॅस भरण्याचा 'दाब' (Pressure) कमी होण्याची शक्यता वर्तवण्यात येत आहे.

परिणाम: काही पंपांना १००% क्षमतेने पुरवठा मिळत नसल्याने वाहनचालकांना गॅस भरण्यासाठी तासनतास रांगा लावाव्या लागत आहेत.

Image Credit : twitter

१२ लाख वाहनांसमोर मोठे आव्हान

महानगर गॅसच्या कार्यक्षेत्रात सध्या सुमारे १२ लाख सीएनजी गाड्या धावत आहेत. यामध्ये सर्वाधिक संख्या टॅक्सी आणि रिक्षांची आहे. जर सीएनजीचा पुरवठा विस्कळीत झाला, तर मुंबईची सार्वजनिक वाहतूक व्यवस्था कोलमडण्याची भीती ऑटो-टॅक्सी संघटनांनी व्यक्त केली आहे. अनेक चालकांनी खबरदारी म्हणून आत्तापासूनच पंपांवर गर्दी करण्यास सुरुवात केली आहे.

Image Credit : social media

युद्धाचा थेट फटका

आंतरराष्ट्रीय बाजारपेठेत कच्च्या तेलाचे आणि नैसर्गिक वायूचे दर युद्धामुळे अस्थिर झाले आहेत. पुरवठा साखळी विस्कळीत झाल्याचा फटका थेट स्थानिक वितरणाला बसत आहे. यामुळे येत्या दिवसांत मुंबईकरांना आपली वाहने घरीच उभी करून पर्यायी वाहतुकीचा वापर करावा लागतो की काय, अशी स्थिती निर्माण झाली आहे.