Mhada Lottery 2026: मुंबई-ठाण्यात स्वतःच्या घराचं स्वप्न होणार साकार! म्हाडाची 5000 घरांसाठी बंपर लॉटरी; 'या' प्राईम लोकेशन्सवर मिळणार संधी

Mhada Lottery 2026: म्हाडा लवकरच मुंबई, ठाण्यात तब्बल 5,000 घरांसाठी मोठी लॉटरी जाहीर करणारय. मार्चअखेर, एप्रिलच्या सुरुवातीला जाहिरात प्रसिद्ध होणार असून, यामध्ये पवई, घाटकोपर, लोअर परळ, मानपाडा आणि बाळकूम यांसारख्या भागांतील घरांचा समावेश असेल.

Image Credit : our own

मुंबई-ठाण्यात स्वतःच्या घराचं स्वप्न होणार साकार! म्हाडाची 5000 घरांसाठी बंपर लॉटरी

मुंबई: मुंबई आणि ठाणे सारख्या शहरात स्वतःचं हक्काचं घर असावं, असं स्वप्न पाहणाऱ्या सर्वसामान्यांसाठी एक आनंदाची बातमी आहे. म्हाडा लवकरच तब्बल 5,000 घरांसाठी मोठी लॉटरी जाहीर करणार आहे. वाढत्या महागाईच्या काळात खिशाला परवडणाऱ्या घरांची प्रतीक्षा आता संपणार असून, मार्चअखेर किंवा एप्रिलच्या सुरुवातीला या घरांची अधिकृत जाहिरात प्रसिद्ध होणार आहे. 

Image Credit : our own

मुंबई मंडळ: 3000 घरांची मोठी संधी

मुंबई म्हाडा मंडळ जवळपास 2800 ते 3000 घरांच्या विक्रीसाठी सज्ज झाले आहे. सध्या या घरांच्या किमती निश्चित करण्याचे काम अंतिम टप्प्यात आहे. 

Image Credit : Twitter

कुठे असतील ही घरं?

या लॉटरीमध्ये प्रामुख्याने पवई, घाटकोपर आणि प्रतीक्षा नगर येथील घरांचा समावेश असेल.

प्राईम लोकेशन्स

'मुंबई इमारत दुरुस्ती व पुनर्रचना मंडळा'कडून प्राप्त झालेली लोअर परळ, वडाळा आणि माझगाव यांसारख्या हाय-प्रोफाइल भागांतील सुमारे 143 घरंही या लॉटरीत उपलब्ध असतील. याशिवाय 'अॅडव्हान्स कॉन्ट्रिब्युशन स्कीम' अंतर्गत येणारी घरंही सर्वसामान्यांच्या नशिबाचे कुलूप उघडू शकतात. 

Image Credit : Twitter

ठाणे आणि कोकण विभाग: 2000 घरांची लॉटरी

मुंबईपाठोपाठ ठाणेकरांसाठीही म्हाडाच्या कोकण मंडळाने कंबर कसली आहे. एप्रिलच्या शेवटपर्यंत सुमारे 2000 घरांची जाहिरात प्रसिद्ध करण्याचे नियोजन प्रशासनाने केले आहे.

ठाण्यातील मुख्य ठिकाणे

ठाण्यातील मानपाडा, चितळसर आणि बाळकूम यांसारख्या विकसित भागांत ही घरे उपलब्ध असतील. 

Image Credit : Twitter

20 टक्के योजनेचा लाभ

खासगी बिल्डरांच्या प्रकल्पांतील '20 टक्के राखीव योजने'अंतर्गत मिळणाऱ्या घरांचाही यात समावेश असेल, अशी माहिती कोकण मंडळाचे मुख्य अधिकारी डॉ. विशाल राठोड यांनी दिली आहे. 

Image Credit : Twitter

लॉटरीसाठी अर्ज कधी करायचा?

मुंबई मंडळाची जाहिरात मार्चच्या शेवटच्या आठवड्यात किंवा एप्रिलच्या पहिल्या आठवड्यात येण्याची शक्यता आहे. तर कोकण मंडळाची प्रक्रिया एप्रिलच्या पहिल्या आठवड्यापासून वेग घेईल. इच्छुक अर्जदारांनी आतापासूनच आपली कागदपत्रे तयार ठेवणे फायद्याचे ठरेल.

टिप: घरांच्या किमती निश्चित झाल्यावर म्हाडाच्या अधिकृत वेबसाईटवर सविस्तर वेळापत्रक प्रसिद्ध केले जाईल.