- Home
- Mumbai
- Mumbai Trans Harbour Link : मुख्यमंत्री एकनाथ शिंदेंनी शिवडी-न्हावा शेवा अटल सेतूची केली पाहणी
Mumbai Trans Harbour Link : मुख्यमंत्री एकनाथ शिंदेंनी शिवडी-न्हावा शेवा अटल सेतूची केली पाहणी
Shivadi Nhava Sheva Sea Link : मुख्यमंत्री एकनाथ शिंदे यांनी शनिवारी (6 जानेवारी 2024) शिवडी-न्हावाशेवा सी लिंकची पाहणी केली.
शिवडी-न्हावाशेवा सी लिंक (Shivadi Nhava Sheva Sea Link) म्हणजेच अटल सेतू प्रकल्पाचे बांधकाम पूर्ण झाले आहे. पंतप्रधान नरेंद्र मोदी (PM Narendra Modi) यांच्या हस्ते 12 जानेवारी 2024 रोजी या 22 किलोमीटर लांबीच्या सागरी सेतूचे लोकार्पण केले जाणार आहे.
यानिमित्ताने राज्याचे मुख्यमंत्री एकनाथ शिंदे यांनी शनिवारी (6 जानेवारी 2024) या सागरी सेतू प्रकल्पाला भेट दिली.
मुख्यमंत्री शिंदे यांनी यावेळेस पुलाच्या कामाची पाहणी करून शिवडी ते चिर्ले हे संपूर्ण अंतर पार केले.
तसेच नियंत्रण कक्षाला (Control Room) भेट देऊन या पुलाचे नियंत्रण कशाप्रकारे होणार आहे, याचीही माहिती त्यांनी जाणून घेतली.
पंतप्रधान नरेंद्र मोदी 12 जानेवारी 2024 रोजी महाराष्ट्र राज्याच्या दौऱ्यावर असणार आहेत. या पार्श्वभूमीवर या ठिकाणी केलेल्या तयारीचा आढावा घेऊन मुख्यमंत्री शिंदे यांनी संबंधित अधिकाऱ्यांना काही सूचनाही दिल्या.
शिवडी - न्हावाशेवा सी लिंक (अटल सेतू) पाहणी
🗓️ 06-01-2024 📍मुंबई https://t.co/LvFwMKyKvB— Eknath Shinde - एकनाथ शिंदे (@mieknathshinde) January 6, 2024
यावेळेस मुख्यमंत्र्यासोबत कौशल्य विकासमंत्री मंगलप्रभात लोढा (Mangal Prabhat Lodha), एमएमआरडीए आयुक्त डॉ. संजय मुखर्जी (Dr. Sanjay Mukherjee), मुंबई मनपा आयुक्त इकबालसिंह चहल (Iqbal Singh Chahal) तसेच मुंबई महानगरपालिका आणि एमएमआरडीएचे अधिकारी उपस्थित होते.
या प्रकल्पामुळे पनवेलपासून दक्षिण मुंबईच्या (South Mumbai) दिशेने ये-जा करणाऱ्या वाहनांचे सुमारे 15 किलोमीटर इतके अंतर कमी होणार आहे.
सोबतच गर्दीच्या वेळेस सुमारे दीड ते दोन तासाच्या प्रवासाच्या वेळेचीही बचत होईल.
या मार्गावर प्रवास करणाऱ्या कारसाठी 250 रूपयांचा टोल आकारण्याचा निर्णय राज्य मंत्रिमंडळाने घेतला आहे.
वारंवार प्रवास करणाऱ्या प्रवाशांसाठी परतीचा पास एकेरी पथकराच्या दीडपट, दैनिक पास एकेरी पथकराच्या अडीचपट आणि मासिक पास एकेरी पथकराच्या पन्नासपट अशी सवलत देण्यात आलेली आहे.
आणखी वाचा :
ऑन ड्युटी असलेल्या पोलिसाच्या कानशिलात लगावली, भाजप आमदार सुनील कांबळेंविरोधात गुन्हा दाखल
राम मंदिर उभारणीमध्ये सर्वात मोठे आव्हान कोणते होते? या व्यक्तीने केला खुलासा