India
अयोध्येतील राम मंदिरातील खास प्रसाद ही कंपनी तयार करणार
येत्या 22 जानेवारीला अयोध्येतील राम मंदिराच्या उद्घाटनाचा सोहळा पार पडणार आहे. या उद्घाटनासाठी जय्यत तयारी सुरू आहे. यासाठी पंतप्रधान नरेंद्र मोदी उपस्थितीत राहणार आहेत.
अयोध्येतील राम मंदिराच्या प्राणप्रतिष्ठेनंतर भाविकांमध्ये खास प्रसादाचे वाटप केले जाणार आहे. मंदिरातील प्रसाद वेलचीपासून तयार केला जाईल.
श्री राम जन्मभूमी तीर्थ क्षेत्र ट्रस्टने निर्णय घेतलाय की, प्राणप्रतिष्ठेवेळी भाविकांना वाटप करण्यात येणारा प्रसाद वेलची आणि साखरेपासून तयार केला जाणार आहे.
मीडिया रिपोर्ट्सनुसार, अयोध्येतील राम मंदिरातील प्रसाद राम विलास अ‍ॅण्ड सन्स या कंपनीकडून तयार केला जाणार आहे.
राम विलास अ‍ॅण्ड सन्सचे मिथिलेश कुमार यांनी म्हटले की, राम मंदिरासाठीचा प्रसाद दररोज तयार केला जात आहे. प्रसाद वेलची-साखर मिक्स करून तयार केला जात आहे.
अयोध्येतील राम मंदिराच्या प्राणप्रतिष्ठेसाठी कंपनीकडून पाच लाख प्रसादांचे पॅकेट्स तयार केले जात आहे. या कामासाठी 22 कर्मचारी काम करत आहेत.
कंपनीचे बोल चंद्र गुप्ता यांनी मीडियाला सांगितले की, वेलची आरोग्यासाठी फायदेशीर असते. वेलचीमध्ये पोटॅशिअम, मॅग्नेशिअम आणि काही खनिजे असतात, जे औधषाप्रमाणे काम करतात.
छत्तीगढ़ येथून राम मंदिरासाठी 100 टन तांदूळ अयोध्येत आणला जात आहे. देशाच्या कानाकोपऱ्यातून खाण्यापिण्याचे सामान येत आहे. या सामानातून भाविकांना भोजन दिले जाणार आहे.