आयएएएस दाम्पत्याच्या मुलीने केली आत्महत्या, 'या' कारणामुळे उचलले पाऊल

सोमवारी पहाटे मुंबईतील एका उंचावरून उडी मारून वरिष्ठ नोकरशहांच्या 27 वर्षीय मुलीचा मृत्यू झाला, असे पोलिसांनी सांगितले. महाराष्ट्र केडरच्या आयएएस अधिकारी राधिका आणि विकास रस्तोगी यांची कन्या लिपी रस्तोगी यांना रुग्णालयात नेण्यात आले मात्र उपचारादरम्यान तिचा मृत्यू झाला.अधिकाऱ्यांनी सांगितले की, कायद्याची विद्यार्थी असलेल्या लिपीने पहाटे ४ वाजता राज्य सचिवालयाजवळील इमारतीच्या १०व्या मजल्यावरून उडी मारली. तिच्या खोलीत एक चिठ्ठी सापडली.

लिपीचे आई वडील काय करतात? -
लिपी हरियाणातील सोनपत येथे कायद्याचे शिक्षण घेत होती. पोलिस अधिका-यांच्या म्हणण्यानुसार, तिला परीक्षेची चिंता वाटत होती. विकास रस्तोगी हे महाराष्ट्राच्या शिक्षण विभागात प्रधान सचिव आहेत, तर राधिका रस्तोगी राज्याच्या गृह विभागाच्या प्रधान सचिव आहेत. 2017 मध्ये अशाच एका प्रकरणात महाराष्ट्र केडरचे आयएएस अधिकारी मिलिंद आणि मनीषा म्हैसकर यांनी मुंबईतील एका उंचावरून उडी मारल्यानंतर त्यांचा 18 वर्षांचा मुलगा गमावला होता. 

तिने आत्महत्येचे पाऊल का उचलले? - 
एलएलबीचे शिक्षण घेणारी लिपी अभ्यासात चांगली तयारी न झाल्यामुळे तिच्यावर दबाव वाढला होता. त्यामुळे तिने आत्महत्येसारखे कठोर पाऊल उचलल्याचे सांगण्यात आले आहे. माझ्या मृत्यूला कोणालाही जबाबदार धरू नका असेही तिने म्हटले आहे. आत्महत्येपूर्वी तिने लिहिलेली चिट्ठी पोलिसांना सापडली आहे. 
आणखी वाचा - 
लोकसभा निवडणूक संपताच टोल टॅक्स वाढवण्याची घोषणा : 3 जूनपासून टोलच्या किंमती होणार महाग
लोकसभा निवडणुकीच्या निकालापूर्वी पंतप्रधान नरेंद्र मोदींच्या हाताने लिहिलेल्या नोट्स, कन्याकुमारी भेटीदरम्यानचा अनुभव केला शेअर