वर्षा निवासस्थानी बाप्पाचं स्वागत, मुख्यमंत्री फडणवीसांकडून सहकुटुंब पूजा; पाहा खास क्षण

Ganesh Chaturthi 2025 : मुख्यमंत्री देवेंद्र फडणवीस यांनी आपल्या कुटुंबासह वर्षा निवासस्थानी गणपती बाप्पाची पूजा केली. राज्यातील जनतेच्या सुख-समृद्धीसाठी प्रार्थना केली. सोशल मीडियावर पूजेचे फोटो व्हायरल होत आहेत.

Image Credit : social media

मुंबई : गणेशोत्सव २०२५ च्या शुभारंभानिमित्त महाराष्ट्रात भक्तिभावाची लहर उसळली आहे. राज्याच्या कानाकोपऱ्यात बाप्पाचं मोठ्या थाटामाटात स्वागत होत आहे. या मंगल पर्वाचं औचित्य साधत मुख्यमंत्री देवेंद्र फडणवीस यांनीही आपल्या अधिकृत निवासस्थान ‘वर्षा’ येथे लाडक्या गणरायाचं स्वागत केलं.

ॐ एकदंताय विद्महे, वक्रतुण्डाय धीमहि, तन्नो दंती प्रचोदयात् ॥

LIVE | 🌺श्री गणेशमूर्तीची प्राणप्रतिष्ठा...

🕐 दु. १२.५० वा. | २७-८-२०२५📍 वर्षा निवासस्थान, मुंबई.#Maharashtra#राज्यमहोत्सव#GaneshChaturthihttps://t.co/ob3u7jRrMN

— Devendra Fadnavis (@Dev_Fadnavis) August 27, 2025

Image Credit : social media

पूजा, प्रार्थना आणि भक्तिभावाने भारलेलं वातावरण

मुख्यमंत्री फडणवीस यांनी आपल्या संपूर्ण कुटुंबासह बाप्पाची विधिवत पूजा केली. त्यांनी राज्यातील जनतेच्या सुख, समृद्धी आणि विघ्नहर्त्याच्या कृपेसाठी प्रार्थना केली. त्यांच्या या भक्तिपूर्वक आराधनेमुळे वातावरण भक्तिभावाने भारून गेलं.

Image Credit : social media

गणेश आगमनाचे खास क्षण

पूजेच्या वेळी घेतलेले काही खास फोटो सोशल मीडियावर व्हायरल होत आहेत. वर्षा निवासस्थानावर सजावट, आरती आणि फडणवीस कुटुंबाची भक्तिभावाने ओथंबलेली उपस्थिती सर्वांचे लक्ष वेधून घेत आहे.

Image Credit : sociak media

महाराष्ट्रात गणपती बाप्पाचं जल्लोषात स्वागत

राज्यभरात गणरायाचं मोठ्या आनंदात आणि पारंपरिक पद्धतीने स्वागत होत आहे. प्रत्येक घर, संस्था आणि सार्वजनिक मंडळांमध्ये मंगलमय वातावरण आहे. बाप्पाच्या आगमनाने नवचैतन्य निर्माण झालं असून, आनंदोत्सवाची सुरुवात झाली आहे.

Image Credit : social media

मुख्यमंत्री देवेंद्र फडणवीस यांच्या वर्षा निवासस्थानी बाप्पाचं आगमन हा एक भावनिक आणि धार्मिक क्षण होता. सहकुटुंब पार पडलेली पूजा आणि प्रार्थनेतून त्यांनी संपूर्ण राज्यासाठी मंगलकामना केली. 

Image Credit : social media

हे सुंदर क्षण महाराष्ट्रातील गणेशभक्तांसाठी प्रेरणादायी ठरत आहेत.