'लालपरी'चा प्रवास आता महागला! छत्रपती संभाजीनगरहून प्रवासासाठी मोजावे लागणार जादा पैसे; नवे दर पाहा एका क्लिकवर

Maharashtra ST bus fare hike: एसटी महामंडळाने उन्हाळी सुट्ट्यांसाठी प्रवासी भाड्यात १० टक्क्यांची तात्पुरती वाढ जाहीर केली. ही वाढ १५ एप्रिल ते १५ जून २०२६ या कालावधीत साध्या, जलद, रात्रसेवा बसेससाठी लागू असेल, तर ई-बस, शिवशाहीच्या दरात बदल नाही. 

Image Credit : our own

'लालपरी'चा प्रवास आता महागला!

ST Fare Hike Update: उन्हाळी सुट्टीत गावी जाण्याचे नियोजन करणाऱ्या प्रवाशांसाठी एक झटका देणारी बातमी आहे. एसटी महामंडळाने आपल्या प्रवासी भाड्यात १० टक्क्यांची तात्पुरती वाढ करण्याचा निर्णय घेतला आहे. यामुळे छत्रपती संभाजीनगर विभागातून धावणाऱ्या 'लालपरी'चे तिकीट आता महागणार आहे. 

Image Credit : social media

कधीपासून लागू होणार नवे दर?

ही भाडेवाढ १५ एप्रिल ते १५ जून २०२६ या उन्हाळी हंगामाच्या कालावधीसाठी लागू असेल. विशेष म्हणजे, ही वाढ केवळ साध्या बस, जलद सेवा आणि रात्रसेवेसाठी (साधारण) लागू आहे. ई-बस (शिवाई) आणि शिवशाही बसच्या तिकीट दरांत कोणताही बदल करण्यात आलेला नाही. 

Image Credit : social media

संभाजीनगरहून कुठे किती वाढ? (नवे दर पत्रक)

उन्हाळ्याच्या सुट्टीत प्रवाशांची होणारी गर्दी लक्षात घेता, प्रमुख मार्गावरील तिकीट दरात मोठी तफावत दिसणार आहे.

प्रवासाचा मार्ग,जुने भाडे (रु.),नवे भाडे (रु.),वाढ (रु.)

नागपूर,८४५,९३०,+८५

मुंबई,६४५,७०८,+६३

पुणे,३९३,४३२,+३९

नाशिक,३४३,३७७,+३४

सोलापूर,५५४,६०९,+५५

यवतमाळ,६३४,६९७,+६३

अकोला,४२३,४६५,+४२

जालना,१०२,११२,+१०

इतर शहरे: जळगाव (३१० रु.), भुसावळ (३२१ रु.), लातूर (५४२ रु.) आणि पुसदसाठी आता ५४२ रुपये मोजावे लागतील. 

Image Credit : Getty

खिशाला कात्री का?

दरवर्षी उन्हाळी सुट्ट्यांमध्ये प्रवाशांची संख्या मोठ्या प्रमाणावर वाढते. या अतिरिक्त गर्दीचा भार आणि महामंडळाचा महसूल वाढवण्यासाठी हा १० टक्के हंगामी भाडेवाढीचा निर्णय घेण्यात आला आहे. १५ जूननंतर हे दर पुन्हा पूर्ववत होण्याची शक्यता आहे. 

Image Credit : social media

प्रवाशांसाठी टीप

जर तुम्हाला वातानुकूलित बसने प्रवास करायचा असेल, तर शिवशाही किंवा ई-बस हा उत्तम पर्याय ठरू शकतो, कारण त्यांच्या दरात कोणतीही वाढ झालेली नाही. साध्या बसच्या तुलनेत या बसचे भाडे आता अधिक परवडणारे वाटू शकते.