Solapur New IT Park Update: पुणे-मुंबईला विसरा! आता सोलापुरात आकाराला येणार भव्य 'IT हब'; फडणवीसांचा शब्द पूर्ण, ५० एकर जमीन मंजूर

Solapur New IT Park Update: पुणे-मुंबईनंतर आता सोलापूर महाराष्ट्राचे नवे आयटी डेस्टिनेशन बनणार आहे. होटगी येथे ५० एकर जागेवर भव्य आयटी हब उभारले जात असून या प्रकल्पामुळे स्थानिक तरुणांसाठी रोजगाराच्या प्रचंड संधी निर्माण होतील.  

Image Credit : X

पुणे-मुंबईला विसरा! आता सोलापुरात आकाराला येणार भव्य 'IT हब

सोलापूर : महाराष्ट्रातील आयटी क्षेत्राचा नकाशा आता बदलणार आहे! पुण्याच्या हिंजवडीनंतर आता सोलापूर राज्याचे नवे आयटी डेस्टिनेशन म्हणून उदयास येत आहे. सोलापूरकरांनी गेल्या अनेक वर्षांपासून पाहिलेले 'आयटी पार्क'चे स्वप्न आता प्रत्यक्षात उतरणार असून, मुख्यमंत्री देवेंद्र फडणवीस यांनी दिलेला शब्द प्रशासनाने पूर्ण केला आहे. 

Image Credit : X

होटगी येथे ५० एकरवर पसरणार तंत्रज्ञानाचे जाळे

सोलापूरच्या औद्योगिक विकासासाठी हे आतापर्यंतचे सर्वात मोठे पाऊल मानले जात आहे. होटगी येथील गट नंबर ५७६ मधील २० हेक्टर (५० एकर) जमीन महाराष्ट्र औद्योगिक विकास महामंडळाला (MIDC) हस्तांतरित करण्याचे अधिकृत आदेश विभागीय आयुक्त डॉ. चंद्रकांत पुलकुंडवार यांनी दिले आहेत. जिल्हाधिकारी कुमार आशीर्वाद यांना या प्रक्रियेला गती देण्याच्या सूचना मिळाल्या असून, पालकमंत्री जयकुमार गोरे यांनी या वृत्ताला दुजोरा दिला आहे. 

Image Credit : our own

तरुणांसाठी रोजगाराची सुवर्णसंधी

या प्रकल्पामुळे सोलापूरच्या स्थानिक तरुणांना आता नोकरीसाठी पुणे किंवा मुंबईची वाट धरावी लागणार नाही.

स्थानिक रोजगार: माहिती तंत्रज्ञान क्षेत्रात हजारो नव्या नोकऱ्या उपलब्ध होतील.

आर्थिक क्रांती: आयटी पार्कमुळे शहराच्या अर्थव्यवस्थेला मोठी गती मिळेल.

पाठपुराव्याला यश: आमदार देवेंद्र कोठे यांनी या प्रकल्पासाठी केलेल्या सातत्यपूर्ण प्रयत्नांना अखेर यश आले आहे. 

Image Credit : our own

वस्त्रोद्योगालाही मिळणार 'बूस्टर डोस'

केवळ आयटीच नव्हे, तर सोलापूरची ओळख असलेल्या वस्त्रोद्योगासाठीही सरकारने कंबर कसली आहे. इचलकरंजीच्या धर्तीवर सोलापूरच्या वस्त्रोद्योगाला विशेष सवलती देण्याबाबत आगामी अधिवेशनात महत्त्वाची बैठक होणार आहे. याशिवाय, शहरातील विमानसेवा आणि समांतर जलवाहिनीचे काम पूर्ण झाल्याने सोलापूर आता गुंतवणुकीसाठी सज्ज झाले आहे.