- Home
- Maharashtra
- Vande Bharat Express : पुणे–नागपूर प्रवास आणखी वेगवान! वंदे भारत एक्सप्रेसच्या वेळापत्रकात बदल, प्रवाशांचा वेळ वाचणार
Vande Bharat Express : पुणे–नागपूर प्रवास आणखी वेगवान! वंदे भारत एक्सप्रेसच्या वेळापत्रकात बदल, प्रवाशांचा वेळ वाचणार
Vande Bharat Express : मध्य रेल्वेने पुणे-अजनी (नागपूर) वंदे भारत एक्सप्रेसच्या वेळापत्रकात बदल करण्याचा निर्णय घेतला आहे. या बदलामुळे अकोला, बडनेरा आणि वर्धा या स्थानकांवर गाडी सुमारे १० मिनिटे लवकर पोहोचेल, ज्यामुळे प्रवाशांचा वेळ वाचणार आहे.
पुणे–नागपूर प्रवास आणखी वेगवान!
Vande Bharat Express : पुणे ते नागपूर (अजनी) दरम्यान प्रवास करणाऱ्या प्रवाशांसाठी दिलासादायक बातमी आहे. प्रवाशांच्या सोयीसुविधा वाढवण्याच्या उद्देशाने मध्य रेल्वेने पुणे–अजनी वंदे भारत एक्सप्रेसच्या वेळापत्रकात बदल करण्याचा निर्णय घेतला आहे. या बदलामुळे आता प्रवास अधिक सुलभ, वेगवान आणि वेळेची बचत करणारा ठरणार आहे.
ट्रेन क्रमांक 26101 च्या वेळेत सुधारणा
पुणे–अजनी वंदे भारत एक्सप्रेस (गाडी क्रमांक 26101) आठवड्यातून सहा दिवस पुणे आणि नागपूर (अजनी) दरम्यान धावते. सुधारित वेळापत्रकानुसार ही गाडी आता काही महत्त्वाच्या स्थानकांवर आधीपेक्षा काही मिनिटे लवकर पोहोचणार आणि लवकर सुटणार आहे.
अकोला, बडनेरा आणि वर्धा येथे होणार वेळेचा फायदा
मध्य रेल्वेच्या सक्षम अधिकाऱ्यांनी मंजूर केलेल्या नव्या वेळापत्रकानुसार, नागपूर विभागातील
अकोला
बडनेरा
वर्धा
या प्रमुख स्थानकांवर वंदे भारत एक्सप्रेस साधारण 10 मिनिटे आधी पोहोचेल आणि तेवढ्याच लवकर सुटेल. यामुळे प्रवाशांचा वेळ वाचणार असून, पुढील गाड्यांशी कनेक्टिव्हिटी अधिक चांगली होणार आहे.
नोकरदार, विद्यार्थी आणि व्यावसायिकांना मोठा फायदा
या वेळापत्रकातील बदलामुळे ट्रेनचा एकूण प्रवासकाल अधिक नियोजित होणार आहे. वंदे भारतसारख्या प्रीमियम ट्रेनची ऑपरेशनल कार्यक्षमता वाढेल, असा विश्वास मध्य रेल्वे प्रशासनाने व्यक्त केला आहे. विशेषतः विदर्भ आणि पश्चिम महाराष्ट्राला जोडणाऱ्या या मार्गावर प्रवास करणाऱ्या नोकरदार, विद्यार्थी आणि व्यावसायिक प्रवाशांसाठी हा बदल अधिक उपयुक्त ठरणार आहे.
