मुंबई-पुणे रेल्वे प्रवाशांसाठी महत्त्वाची बातमी! १ जानेवारीपासून 'वंदे भारत'सह अनेक गाड्यांच्या वेळा बदलणार; वाचा नवीन अपडेट

Mumbai-Pune Train Schedule Changes : १ जानेवारीपासून मध्य रेल्वेने मुंबई-पुणे मार्गावरील गाड्यांच्या वेळापत्रकात महत्त्वपूर्ण बदल जाहीर केला. वंदे भारत एक्सप्रेस, डेक्कन क्वीन, सिंहगड एक्सप्रेससह अनेक गाड्यांच्या वेळेत ५ ते १५ मिनिटांचा बदल होणारय. 

Image Credit : iSTOCK

मुंबई-पुणे रेल्वे प्रवाशांसाठी महत्त्वाची बातमी!

मुंबई/पुणे : नवीन वर्षात रेल्वेने प्रवास करणाऱ्या प्रवाशांसाठी एक मोठी अपडेट समोर आली आहे. १ जानेवारी २०२६ पासून मध्य रेल्वेने मुंबई-पुणे मार्गावरील गाड्यांच्या वेळापत्रकात महत्त्वपूर्ण बदल करण्याचा निर्णय घेतला आहे. यामध्ये हायस्पीड वंदे भारत एक्सप्रेससह अनेक इंटरसिटी गाड्यांच्या वेळेत ५ ते १५ मिनिटांचा फेरबदल करण्यात आला आहे. 

Image Credit : social media

कोणत्या गाड्यांच्या वेळा बदलणार?

रेल्वे प्रशासनाने दिलेल्या माहितीनुसार, मुंबई-पुणे-सोलापूर आणि मुंबई-साईनगर शिर्डी या मार्गावरील गाड्यांच्या वेळेत सुधारणा करण्यात आली आहे.

वंदे भारत एक्सप्रेस: प्रवाशांची आवडती वंदे भारत आता नवीन वेळेनुसार धावेल. तांत्रिक सुधारणा आणि वेळेचे अचूक नियोजन करण्यासाठी हा बदल करण्यात आला आहे.

लोकप्रिय गाड्या: डेक्कन क्वीन (Deccan Queen), सिंहगड एक्सप्रेस आणि इंटरसिटी एक्सप्रेस यांच्याही वेळांमध्ये अंशतः बदल होण्याची शक्यता आहे.

प्लॅटफॉर्ममध्ये बदल: काही लांब पल्ल्याच्या गाड्यांचे प्लॅटफॉर्म क्रमांक देखील बदलण्यात आले आहेत, त्यामुळे प्रवाशांनी स्थानकावर पोहोचल्यावर नीट खात्री करणे आवश्यक आहे. 

Image Credit : Social Media

प्रवाशांनी ही काळजी घ्यावी

काही गाड्या त्यांच्या निर्धारित वेळेपेक्षा आधी सुटणार आहेत, तर काही गाड्यांच्या वेळेत १०-१५ मिनिटांचा उशीर होऊ शकतो. त्यामुळे जुन्या वेळापत्रकावर अवलंबून राहिल्यास तुमची गाडी चुकण्याची शक्यता आहे. 

Image Credit : Social Media

रेल्वेचे आवाहन

प्रवासाला निघण्यापूर्वी प्रवाशांनी NTES (National Train Enquiry System) ॲप किंवा रेल्वेच्या अधिकृत वेबसाईटवर आपल्या गाडीची 'लाईव्ह स्थिती' (Live Status) आवर्जून तपासावी. 

Image Credit : South Western Railways - SWR

का झाला हा बदल?

वाढती प्रवासी संख्या आणि रेल्वे मार्गावरील तांत्रिक कामांमुळे गाड्यांचा वेग वाढवण्यासाठी आणि वक्तशीरपणा (Punctuality) राखण्यासाठी मध्य रेल्वेने हे पाऊल उचलले आहे.