- Home
- Maharashtra
- Weather Alert: महाराष्ट्रावर 'डबल अटॅक'! एका बाजूला सूर्याचा आगडोंब, तर दुसरीकडे पावसाचा इशारा; वाचा तुमच्या शहराची स्थिती
Weather Alert: महाराष्ट्रावर 'डबल अटॅक'! एका बाजूला सूर्याचा आगडोंब, तर दुसरीकडे पावसाचा इशारा; वाचा तुमच्या शहराची स्थिती
Maharashtra Weather Update: महाराष्ट्रामध्ये हवामानाचे दुहेरी रूप पाहायला मिळतय, कोकण, मुंबई, मराठवाडा उष्णतेच्या लाटेने त्रस्त आहे. दुसरीकडे हवामान खात्याने विदर्भातील यवतमाळ, चंद्रपूर जिल्ह्यांत १३ मार्चला मेघगर्जनेसह पावसाचा यलो अलर्ट जारी केला.
एका बाजूला सूर्याचा आगडोंब, तर दुसरीकडे पावसाचा इशारा
मुंबई: राज्याच्या हवामानात सध्या कमालीची उलथापालत पाहायला मिळत आहे. कडाक्याच्या उन्हाने हैराण झालेल्या नागरिकांसमोर आता निसर्गाचे दुहेरी संकट उभे ठाकले आहे. एकीकडे पारा ३९ अंशांच्या पार जात असतानाच, हवामान खात्याने १३ मार्च रोजी काही जिल्ह्यांमध्ये पावसाचा 'यलो अलर्ट' जारी केला आहे.
विदर्भात पावसाची एन्ट्री, तर कोकण भाजून निघणार!
हवामान विभागाच्या ताज्या अंदाजानुसार, विदर्भातील काही भागांत पावसाची शक्यता आहे, तर उर्वरित महाराष्ट्र उन्हाच्या चटक्यांनी होरपळणार आहे.
१. विदर्भ: मेघगर्जनेसह पावसाची शक्यता
विदर्भातील जिल्ह्यांमध्ये सर्वाधिक तापमान (३६-४०°C) नोंदवले जात आहे. मात्र, १३ मार्च रोजी यवतमाळ आणि चंद्रपूर जिल्ह्यांना पावसाचा 'यलो अलर्ट' देण्यात आला आहे. येथे विजांच्या कडकडाटासह हलक्या ते मध्यम स्वरूपाच्या पावसाची शक्यता असल्याने शेतकऱ्यांनी आणि नागरिकांनी सतर्क राहावे.
२. कोकण आणि मुंबई: उकाड्याने अंगाची लाहीलाही
मुंबईसह ठाणे, रायगड आणि पालघरमध्ये उष्णतेची लाट कायम आहे.
तापमान: कमाल ३४-३८°C, किमान २४-२७°C.
स्थिती: हवेतील आर्द्रता (Humidity) जास्त असल्याने प्रत्यक्ष तापमानापेक्षा उकाडा अधिक तीव्र जाणवेल. या भागांसाठी उष्णतेचा 'यलो अलर्ट' कायम आहे.
३. पश्चिम आणि उत्तर महाराष्ट्र: कोरडे व तापलेले हवामान
पुणे व पश्चिम महाराष्ट्र: पुणे, सातारा, कोल्हापूर भागात हवामान पूर्णपणे कोरडे राहील. पुण्यात कमाल तापमान ३८°C पर्यंत जाण्याची शक्यता आहे.
नाशिक विभाग: उत्तर महाराष्ट्रातही तापमानाचा आलेख उंचावलेलाच असेल. दिवसा उन्हाचे चटके तर रात्री काहीसा दिलासा मिळेल.
४. मराठवाडा: उष्णतेचा पारा ३९ अंशांवर
छत्रपती संभाजीनगर, जालना, लातूर आणि धाराशिवमध्ये उन्हाची तीव्रता अधिक असेल. येथे कमाल तापमान ३९ अंशांपर्यंत पोहोचल्याने दुपारी घराबाहेर पडणे कठीण होणार आहे.
स्वतःचा बचाव कसा कराल? (Health Tips)
हायड्रेटेड राहा: तहान लागलेली नसली तरीही भरपूर पाणी, लिंबू सरबत किंवा ताक प्या.
थेट सूर्यप्रकाश टाळा: दुपारी १२ ते ४ या वेळेत शक्यतो घराबाहेर पडणे टाळा. बाहेर जाताना डोक्यावर टोपी किंवा छत्रीचा वापर करा.
पावसाची पूर्वतयारी: विदर्भातील नागरिकांनी विजा चमकत असताना झाडाखाली किंवा मोकळ्या जागेत थांबणे टाळावे.
