- Home
- Maharashtra
- Maharashtra Rain Alert: महाराष्ट्रात मुसळधार पावसाचा इशारा, 25 जिल्ह्यांना यलो तर 8 जिल्ह्यांना ऑरेंज अलर्ट, पुढील 4 दिवस महत्त्वाचे
Maharashtra Rain Alert: महाराष्ट्रात मुसळधार पावसाचा इशारा, 25 जिल्ह्यांना यलो तर 8 जिल्ह्यांना ऑरेंज अलर्ट, पुढील 4 दिवस महत्त्वाचे
Maharashtra Rain Alert: महाराष्ट्रात ३ सप्टेंबरपासून पुढील ४ दिवस मुसळधार ते अति मुसळधार पावसाचा इशारा हवामान विभागाने दिला आहे. राज्यातील २५ जिल्ह्यांना यलो अलर्ट तर ८ जिल्ह्यांना ऑरेंज अलर्ट जारी करण्यात आला आहे.
मुंबई : महाराष्ट्रात हवामानाचा चक्र पुन्हा एकदा बदलला असून, 3 सप्टेंबरपासून पुढील 4 दिवस मुसळधार ते अति मुसळधार पावसाचा इशारा हवामान विभागाने दिला आहे. राज्यातील 25 जिल्ह्यांना यलो अलर्ट तर 8 जिल्ह्यांना ऑरेंज अलर्ट जाहीर करण्यात आले आहेत.
Thunderstorms accompained with lightning, heavy rainfall and gusty winds 30-40 kmph very likely to occur at isolated places in the districsts of North Madhya Maharashtra.
तपशीलवार जिल्हानिहाय हवामान अंदाज व चेतावणीसाठी कृपया. https://t.co/jw7yrf9chD भेट घ्या. pic.twitter.com/7ZaDLB51DD— Regional Meteorological Center,Mumbai (@RMC_Mumbai) September 2, 2025
कोकण आणि मुंबई परिसरात पावसाचा जोर
मुंबई, ठाणे आणि पालघर जिल्ह्यांत वादळी वाऱ्यांसह वीजांचा कडकडाट आणि मुसळधार पावसाची शक्यता वर्तवण्यात आली आहे. या तिन्ही जिल्ह्यांना यलो अलर्ट दिला आहे.
रायगड, रत्नागिरी आणि सिंधुदुर्ग जिल्ह्यांत पावसाचा जोर अधिक असण्याची शक्यता असल्यामुळे ऑरेंज अलर्ट देण्यात आला आहे.
पश्चिम महाराष्ट्रातही पावसाचा तडाखा
पुणे जिल्ह्यात वीजांच्या कडकडाटासह वादळी वाऱ्यांची शक्यता असून, यलो अलर्ट देण्यात आला आहे.
पुणे घाटमाथा, सातारा घाटमाथा आणि कोल्हापूर परिसरात अति मुसळधार पावसाचा इशारा दिला असून, ऑरेंज अलर्ट जारी करण्यात आला आहे.
सांगली, सातारा आणि सोलापूर जिल्ह्यांत मध्यम स्वरूपाचा पाऊस पडण्याची शक्यता आहे.
मराठवाड्यात विजांचा कडकडाट आणि जोरदार पाऊस
छत्रपती संभाजीनगर, परभणी, जालना, बीड, नांदेड, हिंगोली याठिकाणी वीजांचा कडकडाट आणि वादळी वाऱ्यांसह पावसाची शक्यता; यलो अलर्ट जारी.
लातूर आणि धाराशिव जिल्ह्यांत हलक्या ते मध्यम स्वरूपाचा पाऊस होण्याची शक्यता आहे.
उत्तर महाराष्ट्रातही पावसाची तीव्रता
धुळे, नंदुरबार, नाशिक, अहिल्यानगर जिल्ह्यांत वादळी वाऱ्यांसह पावसाची शक्यता असल्यामुळे यलो अलर्ट देण्यात आला आहे.
नाशिक घाटमाथा परिसरात अधिक पावसाचा इशारा.
जळगाव जिल्ह्यात अति मुसळधार पावसाचा धोका असल्याने ऑरेंज अलर्ट जारी.
विदर्भात हवामान खवळलं
अकोला, नागपूर, चंद्रपूर, गडचिरोली, भंडारा, वर्धा जिल्ह्यांत वीजांचा कडकडाट आणि वादळी वाऱ्यांसह पावसाची शक्यता; यलो अलर्ट.
बुलढाणा, गोंदिया, यवतमाळ, वाशिम याठिकाणीही अशाच स्वरूपाची हवामान स्थिती; यलो अलर्ट.
अमरावती जिल्ह्यात अति मुसळधार पावसाचा अंदाज; ऑरेंज अलर्ट जारी.
सावध राहा! हवामान विभागाचा इशारा
राज्यात अनेक भागांत पावसाचे प्रमाण वाढणार असल्यामुळे नागरिकांनी सतर्क राहण्याचं आवाहन करण्यात आलं आहे. नद्या, नाल्यांजवळ न जाणं, गरज नसताना प्रवास टाळणं आणि स्थानिक प्रशासनाच्या सूचनांचे पालन करणं आवश्यक आहे.
