Maharashtra Weather Alert: महाराष्ट्रातून पावसाचं एक्झिट रद्द! विजांच्या कडकडाटासह पुन्हा सरींचा इशारा, या जिल्ह्यांना अलर्ट

Maharashtra Weather Alert: हवामान खात्यानुसार, 4 नोव्हेंबरला महाराष्ट्रात संमिश्र हवामान राहील. कोकण, मध्य महाराष्ट्र, मराठवाड्यात हलक्या ते मध्यम पावसाची शक्यता वर्तवली, तर विदर्भात हवामान कोरडे राहील. राज्यात सर्वत्र ग्रीन अलर्ट जारी करण्यात आलाय. 

Image Credit : Generated by google gemini AI

महाराष्ट्रात अजूनही पावसाची हजेरी!

मुंबई: राज्यातील हवामानात पुन्हा एकदा बदल पाहायला मिळत आहे. गेल्या काही दिवसांपासून काही ठिकाणी उन-पाऊस यांचा खेळ सुरू असून, 4 नोव्हेंबर रोजीही राज्यात संमिश्र हवामान कायम राहणार असल्याचा अंदाज हवामान खात्याने वर्तवला आहे. कोकण, मध्य महाराष्ट्र आणि मराठवाड्यात काही ठिकाणी हलक्या ते मध्यम सरी पडण्याची शक्यता असून, विदर्भात कोरडे हवामान कायम राहणार आहे. मात्र राज्यातील सर्वच जिल्ह्यांसाठी ग्रीन अलर्ट जारी करण्यात आला आहे.

Thunderstorm accompanied with lightning, Light to Moderate rainfall, gusty winds with speed reaching 30-40 Kmph very likely to occur at isolated places in the districts of South Madhya Maharashtra and Marathwada.

— Regional Meteorological Center,Mumbai (@RMC_Mumbai) November 3, 2025

Image Credit : Asianet News

कोकण विभाग

मुंबईसह पालघर, ठाणे आणि रायगड जिल्ह्यांत हलक्या सरींची शक्यता आहे. तर रत्नागिरी आणि सिंधुदुर्ग येथे विजांच्या कडकडाटासह मध्यम पाऊस पडू शकतो.

मुंबई तापमान : कमाल 32°C, किमान 24°C

Image Credit : Asianet News

पश्चिम महाराष्ट्र

पुणे, कोल्हापूर, सातारा, सांगली, सोलापूर आणि घाटमाथा परिसरात विजांचा कडकडाट आणि हलक्या सरींचा अंदाज आहे.

पुणे तापमान : कमाल 29°C, किमान 21°C 

Image Credit : social media

मराठवाडा

छत्रपती संभाजीनगर, जालना, बीड आणि परभणी जिल्ह्यांत हलका पाऊस, तर नांदेड, लातूर, धाराशिव आणि हिंगोली जिल्ह्यांत मध्यम स्वरूपाच्या सरी पडण्याची शक्यता आहे.

संभाजीनगर तापमान : कमाल 30°C, किमान 21°C 

Image Credit : Asianet News

उत्तर महाराष्ट्र

नाशिक, धुळे, नंदुरबार, जळगाव आणि अहमदनगर जिल्ह्यांत आकाश ढगाळ राहणार असून, काही ठिकाणी हलक्या सरी पडू शकतात.

नाशिक तापमान : कमाल 30°C, किमान 21°C 

Image Credit : social media

विदर्भ

अकोला, अमरावती, नागपूर, वर्धा, यवतमाळ, गडचिरोली, चंद्रपूर, भंडारा, बुलढाणा, गोंदिया आणि वाशिम जिल्ह्यांत कोरडे आणि उष्ण हवामान राहणार आहे. काही ठिकाणी ढगाळ वातावरण दिसू शकते, पण पावसाची शक्यता कमी आहे.

नागपूर तापमान : कमाल 31°C, किमान 22°C 

Image Credit : Getty

एकूण हवामान कसं असेल?

4 नोव्हेंबर रोजी महाराष्ट्रात पावसाचे ढग, ढगाळ वातावरण आणि गारवा जाणवणार आहे. कोकण, मध्य महाराष्ट्र आणि मराठवाड्यात हलक्या ते मध्यम सरी, तर विदर्भात कोरडे हवामान कायम राहील. 

Image Credit : ANI

हवामान खात्याचा सल्ला

शेतकऱ्यांनी हवामान लक्षात घेऊन शेतीची कामं नियोजित करावीत.

विजांच्या कडकडाटाच्या वेळी खुल्या जागेत थांबू नये.

शहरांत पावसामुळे वाहतुकीत विलंब होण्याची शक्यता असल्याने वाहनचालकांनी खबरदारी घ्यावी.