Medical College Recruitment 2025: महाराष्ट्रातील 36 शासकीय वैद्यकीय महाविद्यालयांमध्ये बंपर नोकरभरती, 1100 पदांसाठी अर्ज प्रक्रिया लवकरच सुरू

Medical College Recruitment 2025: महाराष्ट्रातील 36 शासकीय वैद्यकीय महाविद्यालयांमध्ये 1100 पदांची मोठी भरती प्रक्रिया सुरू होणार आहे. राष्ट्रीय आयुर्विज्ञान आयोगाच्या मंजुरीनंतर होणाऱ्या या भरतीमुळे वैद्यकीय शिक्षणाचा दर्जा सुधारण्यास मदत होईल. 

Image Credit : Getty

36 शासकीय वैद्यकीय महाविद्यालयांमध्ये बंपर नोकरभरती

मुंबई: राज्यातील 36 शासकीय वैद्यकीय महाविद्यालयांमध्ये मोठ्या प्रमाणावर भरती प्रक्रिया सुरू होणार आहे. एकूण 1100 पदांची भरती राष्ट्रीय आयुर्विज्ञान आयोगाच्या मंजुरीनंतर होणार आहे, जी 14 ऑक्टोबर 2025 रोजी मिळाली. 

Image Credit : Getty

जालना महाविद्यालयातील भरती

जालना येथे नव्याने स्थापन झालेल्या शासकीय वैद्यकीय महाविद्यालयासाठी 65 पदांची भरती होणार आहे. यात 25 प्रशिक्षक मार्गदर्शक (Tutors/Demonstrators) आणि 40 कनिष्ठ निवासी (Junior Residents) पदांचा समावेश आहे. यामुळे एमबीबीएस विद्यार्थ्यांना प्रॅक्टिकल प्रशिक्षण मिळण्यास मदत होईल, तसेच जिल्हा सामान्य रुग्णालयातील डॉक्टरांना देखील सहाय्य मिळेल. 

Image Credit : Getty

शिक्षकांच्या संख्येची आवश्यकता

राष्ट्रीय आयुर्विज्ञान आयोगाने वैद्यकीय महाविद्यालयातील विद्यार्थ्यांच्या संख्येनुसार शिक्षकांची किमान संख्या निश्चित केली आहे.

100 विद्यार्थी 25 प्रशिक्षक मार्गदर्शक

150 विद्यार्थी 32 प्रशिक्षक मार्गदर्शक

200 विद्यार्थी 40 प्रशिक्षक मार्गदर्शक

250 विद्यार्थी 43 प्रशिक्षक मार्गदर्शक

या नियमानुसार, महाविद्यालयातील शिक्षण आणि प्रयोगशाळेतील प्रशिक्षणासाठी मिनिमम शिक्षकांची भरती बंधनकारक आहे. 

Image Credit : Freepik@sajeda9105

भरतीचे महत्त्व

या भरतीमुळे शिक्षकांना संशोधनात सहाय्य करणे, प्रॅक्टिकल सत्रे घेणे, वैद्यकीय तांत्रिक बाबी समजावणे यावर लक्ष केंद्रित करता येईल. विद्यार्थ्यांना प्रत्यक्ष प्रॅक्टिकल अनुभव मिळेल आणि शिक्षण अधिक सखोल होईल. 

डॉ. सुधीर चौधरी, अधिष्ठाता, शासकीय वैद्यकीय महाविद्यालय, जालना यांनी सांगितले, “या भरतीमुळे विद्यार्थ्यांना आणि जिल्हा रुग्णालयातील डॉक्टरांना प्रशिक्षणात सहाय्य मिळेल, तसेच वैद्यकीय शिक्षणाची गुणवत्ता वाढेल.”