कोकणवासीयांसाठी गुड न्यूज! 'या' स्पेशल ट्रेनच्या फेऱ्यांत वाढ; आता १२ फेब्रुवारीपर्यंत प्रवास सुखकर होणार

Konkan Railway Special Train : कोकण रेल्वेने प्रवाशांची वाढती गर्दी लक्षात घेऊन लोकमान्य टिळक टर्मिनस (LTT) ते करमळी विशेष गाडीच्या सेवेला १२ फेब्रुवारी २०२६ पर्यंत मुदतवाढ दिली आहे. या निर्णयामुळे मुंबईहून कोकण, गोव्याला जाणाऱ्यांना दिलासा मिळालाय. 

Image Credit : Asianet News

कोकण रेल्वेचा मोठा निर्णय! 'या' मार्गावरील प्रवाशांची लॉटरी

मुंबई : कोकण रेल्वेने प्रवास करणाऱ्या प्रवाशांसाठी एक अत्यंत दिलासादायक बातमी समोर आली आहे. कोकणात जाणाऱ्या गाड्यांची वाढती गर्दी आणि प्रवाशांची होणारी गैरसोय लक्षात घेऊन रेल्वे प्रशासनाने लोकमान्य टिळक टर्मिनस (LTT) ते करमळी या विशेष रेल्वेगाडीच्या कालावधीत मुदतवाढ देण्याचा निर्णय घेतला आहे. 

Image Credit : social media

प्रवाशांची मागणी अन् रेल्वेचा सकारात्मक प्रतिसाद

कोकण मार्गावर नियमित गाड्यांची संख्या कमी असल्याने सणासुदीला किंवा सुट्ट्यांच्या काळात प्रवाशांचे प्रचंड हाल होतात. विशेष रेल्वेगाड्यांची सोय असते, पण त्यांचा कालावधी मर्यादित असल्याने आरक्षणासाठी मोठी झुंबड उडते. हीच अडचण ओळखून प्रशासनाने एलटीटी-करमळी गाडी आता १२ फेब्रुवारी २०२६ पर्यंत चालवण्याचा निर्णय घेतला आहे. 

Image Credit : Social Media

प्रमुख वैशिष्ट्ये आणि बदल

आधीची मर्यादा: ही गाडी १५ जानेवारीपर्यंतच धावणार होती.

नवीन बदल: आता ही गाडी पुढील एक महिना म्हणजेच १२ फेब्रुवारीपर्यंत उपलब्ध असेल.

फायदा: यामुळे मुंबईतून गोवा आणि कोकणात जाणाऱ्या पर्यटकांना तसेच चाकरमान्यांना मोठा दिलासा मिळणार आहे. 

Image Credit : South Western Railways - SWR

गर्दीच्या काळात प्रवाशांना आरामदायी प्रवास करता येणार

गेल्या अनेक दिवसांपासून कोकण रेल्वेवर नियमित गाड्या वाढवण्याची मागणी प्रवाशांकडून होत आहे. या मुदतवाढीमुळे ऐन गर्दीच्या काळात प्रवाशांना सुरक्षित आणि आरामदायी प्रवासाचा पर्याय उपलब्ध झाला असून, रेल्वेच्या या निर्णयाचे सर्वत्र स्वागत होत आहे.