Diwali ST Bus Fare Hike 2025: दिवाळीत 'लालपरी' महागणार! जाणून घ्या एसटीची किती टक्का भाडेवाढ आणि कोणाला बसणार फटका?

Diwali ST Bus Fare Hike 2025: एसटीने दिवाळी २०२५ साठी १५ ऑक्टोबर ते ५ नोव्हेंबर या काळात १०% तात्पुरती भाडेवाढ जाहीर केली आहे. ही वाढ एसी आणि शिवाई बस वगळता सर्व एसटी सेवांना लागू होईल. ६ नोव्हेंबर २०२५ पासून पुन्हा जुने दर लागू केले जातील.

Image Credit : our own

एसटी प्रवाशांसाठी महत्त्वाची बातमी

Diwali ST Bus Fare Hike 2025: दिवाळीच्या प्रवासासाठी एसटी बसने जाणाऱ्या प्रवाशांसाठी एक महत्त्वाची बातमी आहे. महाराष्ट्र राज्य मार्ग परिवहन महामंडळाने (एसटी महामंडळ) १५ ऑक्टोबर ते ५ नोव्हेंबर २०२५ या कालावधीत बस भाड्यांमध्ये १०% तात्पुरती वाढ करण्याचा निर्णय घेतला आहे. ही वाढ दिवाळीच्या गर्दीच्या पार्श्वभूमीवर लागू केली जाणार आहे. 

Image Credit : social media

कोणत्या बस सेवांवर ही भाडेवाढ लागू होणार?

ही वाढ सर्व एसटी बसेसना लागू असेल, मात्र वातानुकूलित (AC) आणि शिवाई बस या सेवांना या भाडेवाढीतून वगळण्यात आलं आहे. 

Image Credit : social media

कोणत्या तारखेपासून नव्या दरांची अंमलबजावणी?

१४ ऑक्टोबर २०२५ च्या मध्यरात्रीपासून म्हणजेच १५ ऑक्टोबरच्या ००.०० तासांपासून जे प्रवासी प्रवास सुरू करतील, त्यांच्याकडून सुधारित भाडे आकारले जाईल. आगाऊ आरक्षण करणाऱ्या प्रवाशांकडून जुन्या व नव्या दरातील फरक तिकीट तपासनीस (कंडक्टर) वसूल करेल. 

Image Credit : our own

कोणते प्रवासी या वाढीपासून वाचतील?

१४ ऑक्टोबर रोजी प्रवास सुरू करून तो त्याच दिवशी किंवा नंतर संपवणाऱ्या प्रवाशांना अधिकचे भाडे भरावे लागणार नाही. म्हणजेच, १४ ऑक्टोबरपूर्वीचा प्रवास सुरू झाल्यास तुम्ही वाढीव दरांपासून वाचू शकता. 

Image Credit : others

दिवाळीनंतर पुन्हा जुने दर लागू!

दिवाळीची गर्दी संपल्यानंतर म्हणजेच ६ नोव्हेंबर २०२५ पासून पुन्हा मूळ भाडे दर लागू होतील. यावेळी २५ जानेवारी २०२५ पासून लागू असलेले दर पुन्हा वापरण्यात येणार आहेत. 

Image Credit : social media

वाहकांसाठी तांत्रिक सूचना

सर्व आगारांमध्ये ETIM (ई-तिकीट मशीन) द्वारे तिकीट दिलं जात असल्याने, तांत्रिक प्रणालीत सुधारणा करण्यात येणार आहेत. मशीनमध्ये दर सुधारित असल्याची खात्री केल्याशिवाय कोणतीही बस मार्गावर पाठवू नये. वाहकाने कामगिरीवर निघण्यापूर्वी Fare calc > SYNC EXTRA ROUTE हे पर्याय मशीनमध्ये निवडून अपडेट्स घेतल्याची खात्री करावी. 

Image Credit : Getty

१४ ऑक्टोबरपूर्वी प्रवास केल्यास, ही भाडेवाढ लागू नाही

दिवाळीमध्ये होणारी गर्दी लक्षात घेऊन एसटी महामंडळाने ही तात्पुरती भाडेवाढ केली आहे. त्यामुळे प्रवासाच्या नियोजनात हा बदल लक्षात घेणं आवश्यक आहे. तुम्ही १४ ऑक्टोबरपूर्वी प्रवास सुरू केल्यास, ही भाडेवाढ लागू होणार नाही.