रेल्वेचा मोठा 'रोलिंग ब्लॉक'! गुंटूर एक्सप्रेस आता छत्रपती संभाजीनगरऐवजी 'येथून' सुटणार; प्रवाशांचे हाल वाढणार

रेल्वे मार्गावरील दुरुस्तीच्या कामामुळे, प्रसिद्ध गुंटूर एक्सप्रेस ४ फेब्रुवारी ते २७ मे या कालावधीत छत्रपती संभाजीनगरऐवजी थेट जालना स्थानकावरून सुटणार आहे. या बदलामुळे प्रवाशांना जालन्यापर्यंत पोहोचण्यासाठी पर्यायी व्यवस्था करावी लागणार आहे.

Image Credit : Asianet News

रेल्वेचा मोठा 'रोलिंग ब्लॉक'! गुंटूर एक्सप्रेस आता छत्रपती संभाजीनगरऐवजी 'येथून' सुटणार

छत्रपती संभाजीनगर : रेल्वे मार्गावरील दुरुस्तीच्या कामासाठी (Rolling Block) रेल्वे प्रशासनाने मोठा निर्णय घेतला आहे. याचा थेट फटका छत्रपती संभाजीनगरहून हैदराबादकडे जाणाऱ्या प्रवाशांना बसणार आहे. प्रसिद्ध गुंटूर एक्सप्रेस (Guntur Express) आता ४ फेब्रुवारी ते २७ मे या कालावधीत छत्रपती संभाजीनगर स्थानकाऐवजी थेट जालना स्थानकावरून प्रस्थान करणार आहे. 

Image Credit : ANI

प्रवाशांसाठी महत्त्वाची माहिती

या कालावधीत रेल्वेच्या वेळापत्रकात आणि मार्गात खालीलप्रमाणे बदल करण्यात आले आहेत:

बदलेली टर्मिनस: गुंटूर एक्सप्रेस आता छत्रपती संभाजीनगरला येणार नाही. ती जालना येथूनच सुटेल आणि गुंटूरहून येताना जालन्यातच थांबेल.

वेळ: ही गाडी सायंकाळी ५:३० वाजता जालना स्थानकातून रवाना होईल.

वार: दर आठवड्याला मंगळवार, बुधवार, गुरुवार आणि शनिवार या चार दिवसांच्या प्रवासावर याचा परिणाम होईल.  

Image Credit : Social Media

प्रवाशांपुढे प्रवासाचे संकट

छत्रपती संभाजीनगर ते जालना या दरम्यान रेल्वे उपलब्ध नसल्याने प्रवाशांना जालन्यापर्यंत पोहोचण्यासाठी एसटी बस किंवा खाजगी वाहनांचा आधार घ्यावा लागेल. सिडको बसस्थानकावरून दर अर्ध्या तासाला जालन्यासाठी बस उपलब्ध असली तरी, सामानासह प्रवास करणाऱ्या कुटुंबांची मोठी ओढाताण होण्याची शक्यता आहे. 

Image Credit : Getty

'या' गाड्यांच्या वेळापत्रकातही बदल

रोलिंग ब्लॉकमुळे केवळ गुंटूर एक्सप्रेसच नाही, तर इतर गाड्यांवरही परिणाम होणार आहे: १. काचीगुडा-नगरसोल (१७६६१): सेलू ते जालना दरम्यान ही गाडी सुमारे १.५ तास उशिराने धावेल. २. काचीगुडा-नगरसोल (१७६८७): ही गाडी छत्रपती संभाजीनगर ते जालना दरम्यान अंदाजे २० मिनिटे विलंबाने धावेल. 

Image Credit : iSTOCK

प्रवाशांना आवाहन

३ फेब्रुवारी ते २७ मे दरम्यान या मार्गावर प्रवास करणाऱ्या प्रवाशांनी रेल्वेचे सुधारित वेळापत्रक तपासूनच आपल्या प्रवासाचे नियोजन करावे, जेणेकरून स्थानकावर ताटकळत राहावे लागणार नाही.