आषाढी एकादशीनिमित्त मुख्यमंत्री देवेंद्र फडणवीस यांची सपत्नीक पूजा, पाहा खास PHOTOS
आज आषाढी एकादशी साजरी केली जात आहे. या दिवशी पंढरपुरात विठुरायाच्या भक्तांची अलोट गर्दी पाहायला मिळते. विठुरायाच्या गजरात संपूर्ण पंढरपूर दुमदुमले जाते. याच निमित्त मुख्यमंत्री देवेंद्र फडणवीस यांनी सपत्नीक विठुराय-रुक्मिणीची पूजा केली.
देवशयनी आषाढी एकादशीनिमित्त पूजा
देवशयनी आषाढी एकादशीनिमित्त आज श्रीक्षेत्र पंढरपूर येथे भगवान श्री विठ्ठल व माता श्री रुक्मिणी यांची शासकीय महापूजा व अभिषेक करण्यात आला.
मुख्यमंत्री देवेंद्र फडणवीस यांची सपत्नीक पूजा
श्री विठ्ठल-रुक्मिणी मातेच्या चरणी मुख्यमंत्री देवेंद्र फडणवीस यांना सपत्नीक शासकीय महापूजा करण्याचे सौभाग्य लाभले.
विठ्ठल-रुक्मिणी मातेच्या पवित्र दर्शनाने मन कृतार्थ - मुख्यमंत्री
विठ्ठल-रुक्मिणी मातेच्या पवित्र दर्शनाने मन कृतार्थ झाले. राज्यातील शेतकरी, कष्टकरी, माता-भगिनी, युवक आणि महाराष्ट्रातील प्रत्येक नागरिकाच्या सुख, समृद्धी, उत्तम आरोग्य व मंगलमय भविष्यासाठी मुख्यमंत्र्यांनी प्रार्थना केली. तसेच बळीराजाच्या श्रमांना यश लाभो, आणि महाराष्ट्र सदैव प्रगतीपथावर राहो, अशी मुख्यमंत्र्यांनी पोस्ट सोशल मीडियावरील प्लॅटफॉर्म एक्सवर शेअर केली आहे.
विठुरायाचे आशीर्वाद घेतले
शासकीय महापूजा विधीवत पार पडल्यानंतर भगवान श्री विठ्ठल व माता श्री रुक्मिणी यांची आरती करून त्यांच्या चरणी नतमस्तक होत आशीर्वाद घेतले.
विठुरायाच्या चरणी उभं राहण्याचा क्षण
विठुरायाच्या चरणी उभं राहण्याचा प्रत्येक क्षण हा शब्दांत व्यक्त करता येणार नाही असेही मुख्यमंत्री फडवणीस यांनी सोशल मीडियावरील पोस्टमध्ये म्हटले आहे.
धाराशिवमधील कळंब तालुक्यातील शेतकऱ्यांना पूजेचा मान
धाराशिवमधील कळंब तालुक्यातील शेतकरी श्री. बाळासाहेब माधव माने आणि त्यांच्या पत्नी सौ. प्रभावती बाळासाहेब माने या वारकरी दांपत्याला यंदा मानाचे वाकरी म्हणून पूजा करण्याचा सन्मान दिला गेला.
विठ्ठल रुक्मिणीची पूजा
आजच्या आषाढी एकादशीनिमित्त विठ्ठल-रुक्मिणीला सजवण्यात आले आहे. आज पंढपुरात वारकऱ्यांची मोठी गर्दी होण्यास विठुरायाच्या गजराचा आवाज दुमदुमणार आहे.
