Women Safety : महिलांनी सुरक्षिततेच्या कारणास्तव बॅगेत ठेवाव्यात या 6 वस्तू
गेल्या अलीकडल्या काळात महिलांवर होणाऱ्या अत्याचाराच्या घटनांमध्ये वाढ झाल्याचे दिसून येत आहे. यामुळे महिलांच्या सुरक्षिततेचा प्रश्न निर्माण झाला आहे. अशातच तुम्ही एखाद्या ठिकाणी एकटे प्रवास करताना स्वत:ची सुरक्षितता कशी करावी याबद्दल जाणून घेऊया.
महिलांसाठी सेफ्टी टूल्स
महिलांना एखाद्या ठिकाणी एकटे प्रवास करताना नेहमीच सुरक्षिततेची चिंता सतावत असते. अलीकडल्या काळात महिलांवर होणाऱ्या अत्याचारांमुळे पालक आपल्या मुलींना घराबाहेर पाठवण्यास देखील घाबरतात. देशात एका बाजूला कोलकातामधील महिला डॉक्टरची हत्या आणि बलत्कार प्रकरण तर दुसऱ्या बाजूला बदलापूरमधील शाळेतील दोन अल्पवयीन मुलींचे लैंगिक शोषण केल्याच्या घटनेने नागरिक संतप्त आहेत. अशातच तुम्ही एकटे प्रवास करत असाल अथवा तुमची मुलगी एखाद्या ठिकाणी एकटी जात असल्यास तिच्याबद्दल चिंता करण्याची गरज नाही. खरंतर, तरुणींसह महिलांनी आपल्या बॅगेत काही सेफ्टी टूल्स ठेवल्या पाहिजेत. जेणेकरुन आपत्कालीन स्थिती उद्भवल्यास त्या वस्तूंचा वापर स्वत:च्या सुरक्षिततेसाठी करता येईल.
सेफ्टी पिन
महिलांनी आपल्या हँडबॅगेत सेफ्टी पिन नेहमीच ठेवावा. सेफ्टी पिन बॅगेत ठेवत नसाल तर आजपासूनच ठेवण्यास सुरुवात करा. सेफ्टी पिन दैनंदिन गोष्टींसाठी कामी येण्यासह महिलांच्या सुरक्षिततेसाठी नक्कीच कामी येईल.
आपत्कालीन मोबाइल क्रमांक
एखाद्या अज्ञात ठिकाणी अथवा रात्रीच्या वेळेस एकट्याने प्रवास करत असल्यास सोबत आपत्कालीन क्रमांक असावेत. मोबाईलमध्ये क्रमांक सेव्ह करण्यासह एखाद्या लहानश्या डायरीमध्ये देखील क्रमांक लिहून ठेवावेत. तुम्हाला प्रवास करताना असुरक्षितता वाटत असल्यास आपत्कालीन क्रमांकावर फोन अथवा तुमचे लाइव्ह लोकेशन पाठवू शकता.
पेपर स्प्रे
महिलांच्या सुरक्षिततेसाठी सर्वात बेस्ट प्रोडक्ट म्हणजे स्प्रे. खरंतर, मिर्ची स्प्रे बद्दल बहुतांशजणांना माहिती आहे. याचा वापर महिला स्वत:च्या सुरक्षिततेसाठी करू शकतात. स्प्रे मध्ये वेगवेगळे प्रकार देखील येतात. हल्लेखोरावर स्प्रे चा वापर केल्यानंतर त्याचा प्रभाव 30 ते 40 मिनिटे राहतो. स्प्रे वेगवेगळ्या आकारात येतात. जेणेकरुन तुम्ही पॉकेट ते पर्समध्ये सहज ठेवू शकता.
स्विस नाइफ
महिलांनी स्वत: च्या सुरक्षिततेसाठी हँडबॅगेत लहान चाकू ठेवावा. ही वस्तू नेहमीच तुम्हाला मदत करेल. स्विस नाइफच्या मदतीने एखाद्याने तुमची छेडछाड करण्याचा प्रयत्न केला तर कामी येईल. स्विस नाइफचे टोक अणूकुचीदार असते.
ट्रेजर गन
ट्रेजर गनच्या माध्यमातून गोळ्या निघत नाहीत. पण टेजर गनचे बटण दाबल्यानंतर त्यामधून करंट निघतो. ही गन बॅटरीवर चालते. एखाद्या व्यक्तीने तुमच्यावर हल्ला केल्यास तुम्ही ट्रेजर गनचा वापर करू शकता. काही देशांमध्ये ट्रेजर गनचा वापर पोलिसांकडून केला जातो. ऑस्ट्रेलिया ट्रेजर गन सोबत ठेवणे बेकायदेशीर आहे.
एंजल विंग अलार्म
एंजल विंग अलार्म बॅगेत ठेवावा. यामधून निघणाऱ्या ध्वनीमुळे हल्लेखोराच्या कानठळ्या नक्कीच बसतात. एंजल विंग अलार्मच्या ध्वनीचा आवाज 400 मीटरपर्यंत ऐकू येऊ शकतो. एखाद्या समस्येत तुम्ही अडकल्यानंतर एंजल विंग अलार्मचे बटण दाबल्यानंतर त्याचा आवाज दूरवर असणाऱ्या व्यक्तीपर्यंत पोहोचला जाऊ शकतो. यामध्ये वेगवेगळी आवाजाची क्षमता असणारे एंजल विंग अलार्म तुम्हाला खरेदी करता येतील.
आणखी वाचा :