अनेकांना वजन कमी करायचे असते. पण काहींना वजन वाढवायचे असते. यासाठी वेगवेगळे व्यायाम आणि डाएट फॉलो केले जातात. अशातच घरच्याघरी सोप्या पद्धतीने आणि उपायांनी वजन वाढवू शकता. याबद्दलच सविस्तर जाणून घेऊया.
मुंबई : आजकाल अनेकांना वजन कमी करण्याची चिंता असते, पण काही लोक मात्र अगदी याच्या उलट अडचणीत असतात. म्हणजेच त्यांचं वजन वाढतच नाही. अशा लोकांसाठी वजन वाढवणं हे देखील एक मोठं आव्हान ठरतं. वजन वाढवण्यासाठी केवळ भरपूर जेवण करणं हे पुरेसं नाही, तर त्यासाठी पोषणमूल्यांनी भरलेला आणि योग्य प्रमाणात घेतलेला आहार गरजेचा आहे. खाली आपण बघूया की वजन वाढवण्यासाठी कोणत्या अन्नपदार्थांचा समावेश आपल्या दैनंदिन आहारात करावा.
सुकामेवा आणि शेंगदाणे
बदाम, अक्रोड, खजूर, मनुका, काजू हे पदार्थ कॅलरी आणि चांगल्या फॅट्सने भरलेले असतात. हे दररोज थोड्या प्रमाणात खाल्ल्यास शरीराला ताकद मिळते आणि वजनही वाढतं. शेंगदाणे, तीळ, जवससारखे पदार्थही शरीराला ऊर्जा देतात.
Related Articles
दूध आणि दुग्धजन्य पदार्थ
संपूर्ण दूध, तूप, लोणी, पनीर आणि दही हे वजन वाढवण्यासाठी उपयुक्त आहेत. यामध्ये प्रथिने, फॅट्स आणि कॅल्शियम भरपूर प्रमाणात असतात. रोज एक-दोन ग्लास दूध, सोबत गूळ किंवा शेकात खजूर-मराठ्याचं मिश्रण घेतल्यास अधिक फायदा होतो.
केळं
केळं हे मार्केटमध्ये वर्षभर मिळणारे फळं आहे. केळ्याच्या सेवनाने झपाट्याने वजन वाढवण्यासाठी मदत करतं. एका केळ्यात सुमारे १०० कॅलरी असतात. दुधात केळं घालून शेक करून प्यायल्यास अधिक फायदेशीर ठरतं.
अंडी आणि मांसाहार
नॉन-व्हेज खाणाऱ्यांसाठी अंडी, चिकन, मटण, मासे हे उत्तम प्रथिनांचे स्रोत आहेत. अंड्याच्या पिवळ्या भागात फॅट आणि कॅलरी अधिक असते. आठवड्यातून २-३ वेळा मांसाहार केल्याने वजन वाढण्यास मदत होते.
तांदूळ आणि गहूजन्य पदार्थ
सादं भात, पोळी, पराठा, भाकरी हे पदार्थ नियमित जेवणात असावेत. तांदळाचा भात हे झपाट्याने उर्जा देणारं अन्न आहे. त्यामुळे जेवणात भाताची योग्य मात्रेत वाढ केली तर वजन वाढवायला मदत होते.
उकडलेली बटाटे आणि इतर कंदमुळे
बटाटा, रताळं, सुरण हे वजन वाढवणारे नैसर्गिक कर्बोदक (carbohydrate) स्रोत आहेत. उकडून त्यात थोडं लोणी/तूप घालून खाल्ल्यास चवही येते आणि वजनही वाढतं.
हेल्दी फॅट्स
तूप, नारळाचं तेल, ऑलिव्ह ऑईल यासारख्या नैसर्गिक तेलांचा आहारात योग्य प्रमाणात वापर केल्याने वजन वाढतं. पण हे फक्त प्रमाणातच घ्यावं.
घरी केलेले एनर्जी शेक्स
खजूर, बदाम, दूध, केळं, शेंगदाणे यांचं मिश्रण करून तयार केलेले घरगुती शेक्स हे वजन वाढवण्यासाठी खूप प्रभावी असतात.
दरम्यान, वजन वाढवताना केवळ भरपूर जेवण न करता, त्यात पोषणमूल्यांचीही काळजी घ्या. दिवसातून ५-६ वेळा थोडं थोडं खा, पुरेशी झोप घ्या आणि व्यायाम किंवा योगासुद्धा करा. यामुळे वजन आरोग्यदायी पद्धतीने वाढेल आणि शरीर कमकुवत न होता सशक्त होईल. डॉक्टर किंवा डायटिशियनचा सल्ला घेणं देखील चांगला पर्याय ठरतो.
(Disclaimer : सदर लेख केवळ सामान्य माहिती देण्याकरिता आहे. Asianet News या माहितीची जबाबदारी घेत नाही. अधिक माहितीसाठी आपण तज्ज्ञ किंवा आपल्या ओळखीच्या डॉक्टरांचा सल्ला घ्यावा.)