- Home
- lifestyle
- Vastu Tips : घराच्या मुख्य दरवाजावर कोणत्या देवाचा फोटो लावावा? चुकीमुळे होऊ शकतं नुकसान
Vastu Tips : घराच्या मुख्य दरवाजावर कोणत्या देवाचा फोटो लावावा? चुकीमुळे होऊ शकतं नुकसान
लोक घराच्या मुख्य दरवाजावर देवाचे फोटो लावतात. वास्तूशास्त्रानुसार हे खूप शुभ असतं. पण यासाठी काही खास नियम आहेत. तुम्ही हे नियम पाळले नाहीत, तर मोठं नुकसान होऊ शकतं.
कोणत्या देवाचे फोटो लावू शकता?
मुंबई : घराचा मुख्य दरवाजा म्हणजे फक्त एक दार नसतं. म्हणूनच घर बांधण्यापूर्वी लोक जाणकारांचा सल्ला घेतात. वास्तूशास्त्रामध्ये या दरवाजाला खूप महत्त्व आहे. आजही लोक मुख्य दरवाजाची विशेष पूजा करतात. पूजेसोबतच दरवाजाच्या वरच्या बाजूला देवाचे फोटो लावतात. पण इथे नक्की कोणत्या देवाचे फोटो लावायला हवेत?
गणपती बाप्पा
वास्तूशास्त्रानुसार गणपतीचा फोटो लावणं खूप शुभ असतं. विघ्नहर्ता गणपती सर्व संकटे दूर करतो आणि घरात सुख, शांती, समाधान आणतो. त्यामुळे तुम्ही कोणतीही चिंता न करता गणपतीची मूर्ती किंवा फोटो लावू शकता. पण इथे एक नियम आहे. गणपतीची पाठ घराच्या आतल्या बाजूला नसावी. असं असेल तर ते अशुभ मानलं जातं.
देवी लक्ष्मी आणि कुबेर
तुम्हाला संपत्ती आणि समृद्धीसाठी मुख्य दरवाजावर शुभ चिन्हं लावायची असतील, तर तुम्ही देवी लक्ष्मी आणि कुबेराचा फोटो लावू शकता. वास्तूशास्त्रानुसार हे आर्थिक प्रगतीसाठी चांगलं असतं. पण देवी लक्ष्मीचा फोटो लावताना एक काळजी घ्या. उभी असलेली लक्ष्मी लावू नका, तर बसलेल्या स्थितीतला फोटो लावा.
याशिवाय देवी लक्ष्मीच्या पावलांचे ठसे लावणंही शुभ मानलं जातं. तुम्ही दरवाजावर स्वस्तिक किंवा इतर शुभ चिन्हंही लावू शकता.
कोणते फोटो लावू नयेत?
मुख्य दरवाजाच्या वर भगवान शंकराचे उग्र रूप, शनिदेव आणि देवी काली यांचे फोटो कधीही लावू नयेत. दरवाजासाठी देवाचे फोटो निवडताना त्यांचे रूप खूप महत्त्वाचे असते.
फोटो लावल्यानंतर काय करावे?
मुख्य दरवाजावर देवाचा फोटो लावून फक्त सोडून देऊ नका. तिथे नेहमी स्वच्छता ठेवा. फोटोवर धूळ साचू देऊ नका. रोज फोटो पुसून त्याची पूजा करा. दरवाजावर लावलेल्या फोटोसमोर रोज दिवा लावा. तिथे नेहमी चांगला प्रकाश राहील याची काळजी घ्या.
