Vastu Tips : वास्तुशास्रानुसार घरात ठेवा या 7 वस्तू, होईल आर्थिक भरभराट
आपल्या आयुष्यावर वास्तुशास्त्राचा खूप मोठा प्रभाव असतो. घरात सुख-समृद्धी नांदावी, पैशांची चणचण भासू नये असं प्रत्येकाला वाटतं. वास्तुशास्त्रानुसार काही खास वस्तू घरात ठेवल्यास पैशांची कधीच कमतरता भासत नाही.
वास्तुशास्रानुसार काय करावे
1. मनी प्लांट
वास्तुशास्त्रात मनी प्लांटला खूप महत्त्व आहे. हे घरातील नकारात्मक ऊर्जा शोषून सकारात्मक वातावरण निर्माण करतं. मनी प्लांट नेहमी घराच्या आग्नेय (South-East) दिशेला ठेवावं. या दिशेचा स्वामी गणपती आणि ग्रह शुक्र असल्यामुळे संपत्ती लवकर आकर्षित होते. या रोपाची पानं सुकणार नाहीत आणि वेली जमिनीला स्पर्श करणार नाहीत याची काळजी घ्या.
2. शंख:
समुद्रमंथनातून देवी लक्ष्मीसोबत शंखाचीही उत्पत्ती झाली. त्यामुळे शंख लक्ष्मीचा भाऊ मानला जातो. देवघरात शंख ठेवून त्याची पूजा केल्याने किंवा तो रोज फुंकल्याने घरातील नकारात्मक शक्ती आणि वास्तुदोष दूर होतात. देवघरात ईशान्य दिशेला तांदूळ किंवा पाण्यावर शंख ठेवणं शुभ मानलं जातं.
3. लाफिंग बुद्ध:
लाफिंग बुद्धा घराच्या मुख्य दरवाजासमोर, जमिनीपासून किमान 30 इंच उंचीवर ठेवावा. यामुळे घरात येणारी नकारात्मक ऊर्जा रोखली जाते. याला थेट जमिनीवर, बेडरूममध्ये किंवा बाथरूमजवळ कधीही ठेवू नये.
4. मोरपिस
4. मोरपिस: मोरपिसामुळे देवी लक्ष्मी आणि भगवान श्रीकृष्णाची कृपा प्राप्त होते. हे घरातील राहू दोष आणि आर्थिक अडचणी दूर करण्यास मदत करतं. घरात आग्नेय किंवा दक्षिण-आग्नेय कोपऱ्यात मोरपिस ठेवल्यास धन आकर्षित होतं. देवघरात ठेवल्यासही चांगले परिणाम मिळतात.
5. क्रिस्टल पिरॅमिड:
स्फटिक किंवा क्रिस्टल आपल्या सभोवतालची ऊर्जा शुद्ध करून सकारात्मक ऊर्जा पसरवतात. कुटुंबातील सदस्यांमधील संबंध सुधारण्यासाठी आणि नकारात्मकता दूर करण्यासाठी क्रिस्टल पिरॅमिड खूप प्रभावी आहे. याला हॉलमध्ये ईशान्य किंवा उत्तर दिशेला ठेवू शकता.
6. कुबेर यंत्र / लक्ष्मी यंत्र:
संपत्तीची देवता कुबेर यांचा आशीर्वाद मिळवण्यासाठी हे यंत्र घरात स्थापित करतात. उत्तर दिशा ही धनाची दिशा मानली जाते. त्यामुळे कुबेर यंत्र देवघरातील उत्तरेकडील भिंतीवर किंवा तिजोरीत ठेवल्यास पैशांचा ओघ सतत सुरू राहतो.
7. बांबू प्लांट
पिवळ्या किंवा लाल धाग्याने बांधलेल्या दोन बांबूच्या बासरी मुख्य दरवाजावर लावल्यास घरात लक्ष्मीचं आगमन होतं. तसेच, घरात एक छोटं लकी बांबू (Lucky Bamboo) रोप लावल्याने घरात समृद्धी येते.
