- Home
- lifestyle
- Luxury Destinations In India : स्वित्झर्लंडपासून मालदीवपर्यंत...परदेशासारखा फील देणारी भारतातील 5 भारी ठिकाणं
Luxury Destinations In India : स्वित्झर्लंडपासून मालदीवपर्यंत...परदेशासारखा फील देणारी भारतातील 5 भारी ठिकाणं
परदेशातील भन्नाट ठिकाणांनाही टक्कर देतील अशी अनेक सुंदर ठिकाणं आपल्या भारतात आहेत. विशेष म्हणजे, यातली काही ठिकाणं तुमच्या बजेटमध्ये परदेशवारीचा फील देतात… ५ भारी ठिकाणांबद्दल जाणून घ्या.
भारतातच घ्या परदेशाचा फील!
बर्फाच्छादित पर्वत, सुंदर समुद्रकिनारे, शांत वाळवंट आणि खारफुटीच्या जंगलांनी आपला भारत नटलेला आहे. इथल्या अनेक ठिकाणांना भेट दिल्यावर तुम्हाला थेट परदेशात आल्यासारखं वाटेल. अशाच काही सुंदर ठिकाणांची यादी…
व्हेनिससारखा फील देणारं अलेप्पी (Alleppey)
तुम्हाला व्हेनिससारखा सुंदर अनुभव घ्यायचा असेल, तर अलेप्पी हे बेस्ट ठिकाण आहे. इथले सुंदर समुद्रकिनारे आणि केरळच्या प्रसिद्ध बॅकवॉटरचं सौंदर्य तुम्हाला नक्कीच भुरळ घालेल. इथले किनारे अतिशय स्वच्छ असून ते अप्रतिम सूर्यास्तासाठी ओळखले जातात.
स्वित्झर्लंडची आठवण करून देणारे गुलमर्ग आणि औली (Gulmarg & Auli)
गुलमर्ग आणि औलीला भारताचं स्वित्झर्लंड उगाच म्हणत नाहीत. इथला बर्फवृष्टीचा नजारा, बर्फाने आच्छादलेली झाडं आणि डोंगर, सुंदर कॉटेजेस आणि हातात गरम कोको... विचार करा किती भारी वाटेल! या दोन्ही ठिकाणी तुम्हाला डोळ्यांचं पारणं फेडणारं सौंदर्य पाहायला मिळेल.
फ्रान्ससारखी सफर घडवणारं पाँडिचेरी (Pondicherry)
फ्रान्सच्या सुंदर रस्त्यांवर फिरत ताज्या क्रोसँट आणि कॉफीचा आस्वाद घेण्याचं तुमचं स्वप्न असेल, तर पाँडिचेरीला नक्की भेट द्या. इथल्या फ्रेंच क्वार्टरची वास्तुकला युरोपियन शहरांची आठवण करून देते. रंगीबेरंगी इमारती आणि शांत वातावरण या ठिकाणाला खास बनवतात. परदेशात न जाता फ्रेंच स्टाईल ट्रीपसाठी हा एक उत्तम पर्याय आहे.
मालदीवसारखा अनुभव देणारे अंदमान आणि निकोबार (Andaman & Nicobar)
लक्झरी आयलंड ट्रीपचा अनुभव घ्यायचा असेल, तर अंदमान आणि निकोबार बेटे हा सर्वोत्तम पर्याय आहे. निळाशार समुद्र, रंगीबेरंगी मासे, पांढऱ्या वाळूचे किनारे आणि मनमोहक सूर्यास्त ही इथली खासियत आहे. इथे तुम्ही स्कूबा डायव्हिंग आणि स्नॉर्कलिंगसारख्या वॉटर स्पोर्ट्सचा आनंद घेऊ शकता. समुद्राखालचे प्रवाळ आणि विविध जलचर जवळून पाहण्याची संधीही इथे मिळते.
मोरोक्कोसारखा फील देणारं जोधपूर (Jodhpur)
मोरोक्कोचे रंगीबेरंगी बाजार आणि जुनी शहरं तुम्ही चित्रपटांमध्ये पाहिली असतील, तर जोधपूरही तुम्हाला तितकंच आकर्षक वाटेल. इथलं वातावरण मोरोक्कोच्या जुन्या शहरांची आठवण करून देतं. गजबजलेले बाजार, अरुंद रस्ते, रंगीबेरंगी कपडे आणि मसाल्यांचा सुगंध तुम्हाला एका वेगळ्याच दुनियेत घेऊन जातो. राजस्थानची 'ब्लू सिटी' म्हणून प्रसिद्ध असलेल्या जोधपूरमध्ये मेहरानगढ किल्ला नक्की पाहा.
