Soft Idli Tips : आता इडली भांड्याला चिकटणार नाही! मऊसर इडल्यांसाठी वापरा ही सोपी ट्रिक

घरी इडली बनवताना खालच्या प्लेटमधली इडली ओलसर आणि चिकट होते का? हॉटेलसारखी मऊ आणि सुटसुटीत इडली बनवण्यासाठी ही एक सोपी किचन हॅक नक्की ट्राय करा.

Image Credit : pinterest

इडलीच्या प्लेट्स योग्य पद्धतीने कशा लावायच्या?

सकाळच्या नाश्त्यासाठी, गरमागरम, मऊ आणि जाईच्या फुलासारख्या इडल्या खायला कोणाला नाही आवडणार? पण अनेकदा पीठ चांगलं असूनही, इडल्या शिजल्यावर एकमेकांना चिकटतात आणि खालच्या प्लेटमधील इडल्या तर ओलसर आणि गिझगिझीत होतात. यामागचं मुख्य कारण म्हणजे, बहुतेक लोक इडली स्टँडच्या प्लेट्स योग्य क्रमाने लावत नाहीत!

Image Credit : Instagram

प्लेट्स लावताना नेमकी काय चूक होते?

साधारणपणे, इडली पात्रात पीठ घालून प्लेट्स एकावर एक ठेवताना, बहुतेक लोक त्या सरळ आणि समान ठेवतात. पण ही पद्धत चुकीची आहे. यामागे एक वैज्ञानिक कारण आहे, कारण इडलीच्या प्लेट्सना वाफेसाठी लहान छिद्रं (steam holes) असतात.

Image Credit : Instagram

इडलीच्या प्लेट्स लावण्याची ही आहे योग्य पद्धत

पहिल्या प्लेटमध्ये पीठ टाकल्यानंतर, त्यावर दुसरी प्लेट ठेवताना, वरच्या प्लेटची छिद्रं खालच्या इडलीच्या बरोबर वर न येता बाजूला येतील, अशा पद्धतीने ठेवा. म्हणजे, एका इडलीवर दुसरी इडली थेट ठेवू नका. असं केल्याने, खालून येणारी वाफ त्या छिद्रांमधून सहजपणे वरच्या बाजूला जाते. यामुळे वाफेचे पाणी इडलीवर टपकून ती चिकट होत नाही. इडली खाली चिकटत नाही आणि सगळ्या इडल्या एकसारख्या शिजतात.

Image Credit : magnific

लक्षात ठेवा... पिठाची कन्सिस्टन्सी पण महत्त्वाची

इडली कापसासारखी मऊ होण्यासाठी फक्त प्लेट्स योग्यरित्या ठेवणं पुरेसं नाही; पिठाची कन्सिस्टन्सीसुद्धा परफेक्ट असावी लागते. पीठ खूप पातळ किंवा खूप घट्ट असेल तर इडली कडक होऊ शकते. जेव्हा पीठ व्यवस्थित आंबलेलं आणि योग्य कन्सिस्टन्सीचं असेल, तेव्हाच ही ट्रिक वापरून तुम्ही परफेक्ट इडली बनवू शकता. पुढच्या वेळी घरी इडली बनवताना ही सोपी ट्रिक नक्की वापरा. बघा, इडली भांड्याला न चिकटता फुलासारखी टम्म फुगेल!