नवरात्रीच्या पहिल्या दिवशी केशरी रंगाचं काय महत्त्व आहे आणि या दिवशी कोणते कपडे घालावेत, हे आपण जाणून घेणार आहोत. सणासुदीच्या काळात ट्रॅडिशनल कपडे आणि ज्वेलरी कशी कॅरी करावी?

मुंबई : नवरात्र म्हणजे भक्ती आणि उत्साहाचा सण. या सणात रंगांना खूप महत्त्व असतं. केशरी रंग हा ऊर्जा आणि सकारात्मकतेचं प्रतीक मानला जातो. नवरात्रीच्या पहिल्या दिवशी भाविक देवी दुर्गेचं पहिलं रूप असलेल्या माता शैलपुत्रीची पूजा करतात.

पहिल्या दिवशी केशरी रंगाचं नेमकं महत्त्व काय आहे आणि या दिवशी कोणते ट्रॅडिशनल कपडे घालावेत, याबद्दल आपण सविस्तर माहिती घेणार आहोत. माता शैलपुत्रीची पूजा करताना केशरी रंगाचे कपडे का निवडले जातात, हेही आपण पाहूया.

नवरात्रीत केशरी रंगाचं महत्त्व

केशरी रंग हा ऊर्जा, धैर्य, आशावाद आणि उत्साहाशी जोडलेला आहे. हिंदू धर्मात केशरी आणि भगव्या रंगाला खूप आध्यात्मिक आणि धार्मिक महत्त्व आहे. सणांच्या दिवसांत आपली भक्ती व्यक्त करण्यासाठी केशरी रंग हा एक उत्तम पर्याय ठरतो.

हा रंग धैर्य आणि दृढनिश्चय दर्शवतो. पर्वतांची कन्या असलेल्या माता शैलपुत्रीचं रूप आणि तिची ताकद दर्शवण्यासाठी केशरी रंग अगदी योग्य मानला जातो.

माता शैलपुत्रीच्या पूजेसाठी काय घालावे?

महिला या दिवशी केशरी रंगाची साडी, अनारकली सूट, लेहेंगा किंवा साधा कुर्ता सेट घालू शकतात. केशरी रंगावर सोन्याचे दागिने खूप छान दिसतात. तसंच ऑक्सिडाइज्ड सिल्व्हर ज्वेलरीमुळे तुम्हाला एक मस्त ट्रॅडिशनल लूक मिळतो. झुमके, बांगड्या आणि एथनिक चपला घालून तुम्ही तुमचा लूक पूर्ण करू शकता. यासोबतच वॉर्म टोन लिपस्टिक, काजळ आणि साधी टिकली तुमच्या सौंदर्यात नक्कीच भर घालेल.

पुरुषांनी पांढऱ्या किंवा क्रीम रंगाच्या पँटवर केशरी रंगाचा कुर्ता घालावा. ज्यांना भडक रंग आवडत नाहीत, ते लोक केशरी रंगाचा दुपट्टा, स्टोल, ब्लाउज किंवा इतर ॲक्सेसरीज वापरू शकतात.

नवरात्रीसाठी खास केशरी स्टायलिंग टिप्स

दिवसा पूजा करताना सुती किंवा हलक्या कपड्यांचा वापर करा. कारण लांबलचक चालणाऱ्या पूजेत असे कपडे खूप आरामदायक ठरतात. रात्रीच्या वेळी सणाचा फील आणण्यासाठी तुम्ही केशरी कपड्यांवर सोनेरी किंवा ऑक्सिडाइज्ड दागिने घालू शकता. तसंच एम्ब्रॉयडरी असलेल्या चपलाही ट्राय करू शकता.

केशरी रंगाचे कपडे तुम्ही क्रीम, पांढरा, बेज किंवा हिरव्या रंगासोबत मॅच करू शकता. सर्वात महत्त्वाचं म्हणजे असेच कपडे निवडा ज्यामध्ये तुम्हाला कम्फर्टेबल वाटेल आणि तुम्हाला पूजा किंवा गरबा खेळताना कोणताही त्रास होणार नाही.