- Home
- lifestyle
- Ladki Bahin Yojana eKYC : मंत्री अदिती तटकरे यांनी सांगितली e-KYC कशी करायची, स्टेप बाय स्टेप प्रोसेस
Ladki Bahin Yojana eKYC : मंत्री अदिती तटकरे यांनी सांगितली e-KYC कशी करायची, स्टेप बाय स्टेप प्रोसेस
Ladki Bahin Yojana eKYC : लाडकी बहिण योजनेसाठी eKYC अनिवार्य केली आहे. ही प्रक्रिया कशी करायची याबाबत गोंधळाचे वातावरण आहे. त्यामुळे मंत्री अदिती तटकरे यांनी याची स्टेप बाय स्टेप प्रोसेस सांगितली आहे. जाणून घ्या त्यांच्याच शब्दांत, जशीची तशी माहिती.
मुख्यमंत्री-माझी लाडकी बहीण योजनेच्या e-KYC साठी
https://ladakibahin.maharashtra.gov.in या संकेतस्थळाला भेट द्यावी.
मुखपृष्ठावर असलेल्या e-KYC बॅनरवर क्लिक केल्यावर e KYC फॉर्म उघडेल.
या फॉर्ममध्ये लाभार्थ्याने आपला आधार क्रमांक आणि पडताळणी संकेतांक (Captcha Code) नमूद करून, आधार प्रमाणीकरणासाठी संमती देत Send OTP या बटणावर क्लिक करावे. त्यानंतर लाभार्थ्याच्या आधार-लिंक मोबाईल क्रमांकावर OTP येईल. हा OTP टाकून Submit बटणावर क्लिक करावे.
हा मेसेज दिसेल
यानंतर प्रणाली तपासेल की लाभार्थ्याची KYC आधीच पूर्ण झाली आहे की नाही.
* जर आधीच पूर्ण झाली असेल, तर “e-KYC आधीच पूर्ण झाली आहे” असा संदेश दिसेल.
* जर पूर्ण झाली नसेल, तर आधार क्रमांक मुख्यमंत्री माझी लाडकी बहीण योजनेच्या पात्र यादीत आहे की नाही हे तपासले जाईल.
जर आधार क्रमांक पात्र यादीत असेल, तर पुढील टप्प्याला जाता येईल.
ओटीपी प्राप्त होईल
यानंतर लाभार्थ्याने पती किंवा वडिलांचा आधार क्रमांक तसेच पडताळणी संकेतांक (Captcha Code) नमूद करावा. संमती दर्शवून Send OTP वर क्लिक करावे. OTP संबंधित मोबाईलवर प्राप्त झाल्यावर तो टाकून Submit बटणावर क्लिक करावा.
या बाबी प्रमाणित कराव्या लागतील
त्यानंतर लाभार्थ्याला आपला जात प्रवर्ग निवडावा लागेल आणि खालील बाबी प्रमाणित (Declaration) कराव्या लागतील:
1. माझ्या कुटुंबातील सदस्य नियमित/कायम कर्मचारी म्हणून शासकीय विभाग/उपक्रम/मंडळ/भारत सरकार किंवा राज्य शासनाच्या स्थानिक संस्थेत कार्यरत नाहीत किंवा सेवानिवृत्तीनंतर निवृत्तीवेतन घेत नाहीत.
2. माझ्या कुटुंबातील केवळ १ विवाहित आणि १ अविवाहित महिला या योजनेचा लाभ घेत आहे.
वरील बाबींची नोंद करून चेक बॉक्सवर क्लिक करावे व Submit बटण दाबावे.
शेवटी हा संदेश येईल
शेवटी, “Success – तुमची e-KYC पडताळणी यशस्वीरित्या पूर्ण झाली आहे” असा संदेश दिसेल. म्हणजेट तुमची केवायसी पूर्ण झालेली आहे. तुमचे नाव यासाठी नोंदवले गेले आहे. त्यानंतर तुम्हाला सातत्याने हप्ता प्राप्त होईल.
अदिती तटकरे यांची पोस्ट जशीची तशी
मुख्यमंत्री-माझी लाडकी बहीण योजनेच्या e-KYC साठीhttps://t.co/gBViSYZxcm या संकेतस्थळाला भेट द्यावी.
मुखपृष्ठावर असलेल्या e-KYC बॅनरवर क्लिक केल्यावर e KYC फॉर्म उघडेल.
या फॉर्ममध्ये लाभार्थ्याने आपला आधार क्रमांक आणि पडताळणी संकेतांक (Captcha Code) नमूद करून, आधार… pic.twitter.com/aNynvJb2Rp— Aditi S Tatkare (@iAditiTatkare) September 20, 2025
