Dog Bite Prevention : रस्त्यावर कुत्र्यांनी हल्ला केल्यास काय करावं? तज्ज्ञांचा सल्ला

रस्त्याने चालताना एखाद्या भटक्या कुत्र्याने भुंकायला किंवा पाठलाग करायला सुरुवात केली, तर घाबरून पळू नका. अशा आणीबाणीच्या वेळी कुत्र्याच्या हल्ल्यापासून स्वतःचा बचाव कसा करायचा? जाणून घ्या हे महत्त्वाचे आणि जीव वाचवणारे उपाय.

Image Credit : google

जीव वाचवण्यासाठी काय करावं?

रस्त्याने जाताना अचानक भटके कुत्रे भुंकू लागले किंवा अंगावर धावून आले, तर अनेकजण घाबरून ओरडत पळायला लागतात. पण तज्ज्ञांच्या मते, असं पळणंच कुत्र्याला चावा घेण्यासाठी प्रवृत्त करतं. अशा वेळी स्वतःचा जीव कसा वाचवायचा?

Image Credit : ChatGPT

अजिबात पळू नका, शांत राहा

एखादं अनोळखी कुत्रं वेगाने तुमच्या दिशेने आलं, तर कोणत्याही परिस्थितीत घाबरून पळू नका. तुम्ही पळायला लागलात, तर कुत्र्याची शिकार करण्याची प्रवृत्ती (Prey Drive) जागी होते आणि ते तुम्हाला चावण्यासाठी पाठलाग करतं. त्याऐवजी दीर्घ श्वास घ्या आणि एकाच जागी शांत उभं राहा.

Image Credit : social media

कुत्र्याच्या डोळ्यात डोळे घालून पाहू नका

कुत्र्याच्या डोळ्यांत थेट पाहू नका. कुत्र्यांच्या भाषेत थेट नजर मिळवणे म्हणजे 'आव्हान' किंवा धोका मानला जातो. तुमचं शरीर थोडं बाजूला वळवा (Side stance) आणि हळूहळू मागे पावलं टाकत तिथून निघा.

Image Credit : istock

ओरडू नका, कुत्र्याला घाबरवू नका

मोठ्याने ओरडून किंवा हातपाय हलवून कुत्र्याला घाबरवण्याचा प्रयत्न करू नका. तुमच्या हातात बॅग, बाटली, छत्री किंवा कोणतीही वस्तू असेल, तर ती तुमच्या आणि कुत्र्याच्या मध्ये ढाल म्हणून धरा. तुमच्याकडून कोणताही धोका नाही हे समजल्यावर कुत्रं आपोआप निघून जाईल.

Image Credit : freepk

खाली पडल्यास 'चेंडूसारखं' गोल व्हा

कुत्र्याने हल्ला करून तुम्हाला जमिनीवर पाडलं, तर सरळ झोपू नका. लगेच तुमचे हात वापरून चेहरा, मान, डोकं आणि कान झाकून घ्या आणि चेंडूसारखं (Ball posture) गोल व्हा. यामुळे शरीराच्या नाजूक अवयवांचं रक्षण होईल.

Image Credit : Getty

लहान मुलांची विशेष काळजी घ्या

लहान मुलांना रस्त्यावर एकटं सोडू नका. भटक्या कुत्र्यांजवळ न जाण्याची ताकीद मुलांना द्या. एखादं पाळीव कुत्रं असलं, तरी मालकाच्या परवानगीशिवाय मुलांना त्याला हात लावू देऊ नका.

Image Credit : social media

कुत्रं चावल्यास किंवा ओरबाडल्यास काय करावं?

कुत्रं चावल्यास किंवा नखांनी ओरबाडल्यास, ती जखम लगेच वाहत्या पाण्यात साबणाने किमान १०-१५ मिनिटे धुवा. अजिबात वेळ न घालवता जवळच्या रुग्णालयात जा आणि रेबीजची लस (Anti-Rabies Vaccine - ARV) टोचून घ्या.