आमरस ते आम्रखंड..., पिकलेल्या आंब्यापासून बनवले जातात हे ८ गोड पदार्थ
हापुस, केशरपासून बनवलेला आमरस, श्रीखंड, बर्फी, आइस्क्रीम, मिल्कशेक, केक, सूप आणि चीजकेक असे अनेक पदार्थ आंब्यापासून बनवता येतात. उन्हाळ्यात थंडावा देणारे हे पदार्थ सण, वाढदिवस किंवा खास प्रसंगी बनवले जातात.
आमरस, पारंपरिक गोडवा, प्रत्येक घासात आनंद!
पिकलेल्या हापूस किंवा केशर आंब्याचा गाळून घेतलेला रस म्हणजेच आमरस! साजूक तूप लावलेली पोळी किंवा पुरणपोळी यासोबत खाल्ला जातो तेव्हा त्याची चव अविस्मरणीय असते. उन्हाळ्यातील खास पदार्थ म्हणून हा महाराष्ट्रातील घराघरात बनवला जातो. थोडे दूध, वेलदोडा आणि साखर घालून केलेला आमरस हे सणासुदीचं खास आकर्षण आहे.
आंब्याचं श्रीखंड / आम्रखंड, आंबटगोडपणाचा सुंदर संगम
श्रीखंडाच्या गोडसर चवीत जेव्हा आंब्याचा गर मिसळतो, तेव्हा तयार होतं आम्रखंड! गार सर्व्ह केलेलं आम्रखंड हे उन्हाळ्यातील सर्वोत्तम डेसर्टपैकी एक मानलं जातं. साजूक दूध, दही आणि आंबा यांचा मिलाफ म्हणजे चव, पौष्टिकता आणि पारंपरिकतेचं त्रिसूत्री.
आंब्याचा हलवा / आंबा बर्फी, सणासुदीला गोडसर स्पर्श
थोड्या साखर, तूप आणि दूधासोबत आंब्याचा गर उकळून घेतला की तयार होतो आंब्याचा हलवा. अधिक घट्ट रूपात तोच पदार्थ ‘आंबा बर्फी’ बनतो. हे लाडके गोड पदार्थ सण, वाढदिवस किंवा खास पाहुण्यांच्या स्वागतासाठी उत्तम पर्याय ठरतात. वरून काजू, बदाम, पिस्त्याने सजवलेले हे पदार्थ दिसायलाही तितकेच मोहक असतात.
आंबा आइस्क्रीम, थंडावा देणारं गोड स्वप्न!
उन्हाळ्यातील सर्वांत प्रिय थंड पदार्थ म्हणजे आंबा आइस्क्रीम. फक्त चार साहित्य आंब्याचा गर, दूध, साखर आणि क्रीम – यांचा परिपूर्ण संगम. घरीही सहज बनवता येणारे हे आइस्क्रीम मुलांपासून मोठ्यांपर्यंत सर्वांचं मन जिंकतं. त्याच्या मधुर गोडपणात थंडगार समाधान असतं.
आंबा मिल्कशेक / स्मूदी, आरोग्य आणि चव यांचं परिपूर्ण समीकरण
आंबा आणि दूध/दही यांचं संगम म्हणजे स्वादिष्ट आणि पौष्टिक पेय मिल्कशेक किंवा स्मूदी! सकाळच्या न्याहारीसाठी किंवा दुपारी फ्रेश व्हायला हे पेय एकदम योग्य. साखर न घालता डेट्स, बदाम, ओट्स यासोबतही हे हेल्दी बनवता येतं. वजनावर लक्ष ठेवणाऱ्यांसाठीही उत्तम पर्याय.
आंबा केक / मफिन्स, आंब्याला दिलेली पाश्चिमात्य टच
केक आणि मफिन्ससारख्या आधुनिक डेसर्टमध्ये आंबा मिसळून तयार केलेले हे बेक्ड पदार्थ अत्यंत लोकप्रिय होत चालले आहेत. आंब्याचा गर, पीठ, साखर आणि थोडं बटर यांचं मिश्रण म्हणजे स्वादिष्टता आणि सौंदर्याचा मिलाफ. संध्याकाळच्या चहासोबत किंवा खास प्रसंगी सर्व्ह करण्यास योग्य.
आंबा सूप / आम्र सूप, गोडसर फ्युजन डिश
हे सूप म्हणजे थोडं हटके पण अत्यंत आकर्षक डिश! आंब्याच्या गोडसर गरात थोडी आले, मिरी, लिंबू आणि मीठ यांचं मिश्रण केलं जातं. हे गरम किंवा थंड दोन्ही प्रकारे सर्व्ह करता येतं. जेवणाच्या सुरुवातीला दिलं जाणारं हे सूप चवीलाही वेगळं आणि पाहुण्यांनाही खास वाटतं.
आंबा चीजकेक / आंबा कुल्फी, पारंपरिक आणि मॉडर्नचा मिलाफ
पारंपरिक कुल्फीला आंब्याचा गोड स्पर्श दिला, तर तयार होते आंबा कुल्फी जणू स्वर्गीय चव! आणि दुसरीकडे मॉडर्न डेसर्ट चीजकेकला आंब्याची लेयर दिली, तर त्याचं सौंदर्य आणि चव आणखी खुलते. हे दोन्ही प्रकार हल्ली फूड फेस्टिवल्स आणि कॅफेमध्ये खूप लोकप्रिय झाले आहेत.
