Boy Earns big money In One Day Selling Maggi : थंडीत गरमागरम आणि चमचमीत काहीतरी खावेसे वाटते, हे अनेक खवय्यांचे मत आहे. लोकांची हीच इच्छा लक्षात घेऊन मॅगी विकणाऱ्या एका तरुणाने एका दिवसात किती पैसे कमावले हे ऐकून तुम्हाला नक्कीच आश्चर्य वाटेल..!
Boy Earns big money In One Day Selling Maggi : हिवाळ्याच्या कडाक्याच्या थंडीत गरमागरम काहीतरी खाण्याची इच्छा अनेकांच्या मनात असते. अनेक खवय्यांच्या मते, हिवाळ्याच्या थंडीत गरमागरम आणि चमचमीत काहीतरी खाऊन चहा किंवा कॉफी प्यायल्यास मन आणि शरीर दोन्ही हलके होतात. लोकांची हीच इच्छा लक्षात घेऊन डोंगराळ भागात मॅगी विकणाऱ्या एका तरुणाने एका दिवसात किती पैसे कमावले हे ऐकून तुम्हाला नक्कीच आश्चर्य वाटेल..!
मॅगी विकून एका दिवसात तरुणाने कमावले एवढे रुपये
होय, सोशल मीडिया इन्फ्लुएंसर आणि कंटेंट क्रिएटर असलेल्या बादल नावाच्या तरुणाने एका पर्यटन स्थळावरील डोंगराळ भागात मॅगी विकून कमावलेल्या पैशांबद्दल सांगितले आहे आणि हा व्हिडिओ प्रचंड व्हायरल झाला आहे. व्हिडिओमध्ये त्याने सांगितले की, त्याने मॅगी विकून फक्त एका दिवसात २१,००० रुपये कमावले आहेत.
त्याने मॅगी विकलेल्या जागेबद्दल माहिती दिली नाही, परंतु ते एक पर्यटन स्थळ आहे, जिथे शेकडो पर्यटक असल्याचे दिसून येते. येथे त्याने एलपीजी सिलेंडर ठेवून एका लहान टेबलवर मॅगी तयार करून विकली. साध्या मॅगीची एक प्लेट ७० रुपयांना विकली, तर चीज मिश्रित मॅगीची एक प्लेट १०० रुपयांना विकली. अशाप्रकारे, त्याने एका दिवसात ३०० ते ३५० प्लेट मॅगी विकली आणि या व्यवसायातून त्याने केवळ एका दिवसात २१,००० रुपयांची कमाई केली.
Related Articles
डोंगराळ भागात एक दिवस मॅगी विक्री असे शीर्षक देऊन त्याने हा व्हिडिओ पोस्ट केला आहे, ज्याला ४ दशलक्षपेक्षा जास्त लोकांनी पाहिले आहे. यावरून डोंगराळ भागातील पर्यटन स्थळांवर मॅगीची लोकप्रियता दिसून येते आणि कडाक्याच्या थंडीत हे सर्वोत्तम खाद्यपदार्थ असल्याचे सिद्ध होते.
कंटेंट क्रिएटर बादलने हा व्हिडिओ पोस्ट करताच, नेटकऱ्यांनी हिशोब लावायला सुरुवात केली की, जर येथे दररोज मॅगी विकली तर महिन्याची कमाई किती होईल. येथील व्यापारी दरमहा ६ लाख रुपयांपेक्षा जास्त कमाई करू शकतो हे जाणून अनेकांना आश्चर्य वाटले आहे. हा व्हिडिओ पाहिल्यानंतर एकाने कमेंट केली की, ‘मी माझी नोकरी सोडू का?’
परंतु, येथे हे लक्षात घेणे महत्त्वाचे आहे की २१,००० रुपये ही एकूण कमाई आहे, निव्वळ नफा नाही. यामध्ये मॅगी पॅकेट्स, एलपीजी सिलेंडर, डिस्पोजेबल पेपर प्लेट्स आणि इतर खर्चाचा हिशोब केलेला नाही. तरीही, या सर्व खर्चाचा हिशोब केला तरी या व्यवसायात तोटा नाही, हे कमाईच्या आकड्यावरूनच स्पष्ट होते.
हा व्हिडिओ पाहिल्यानंतर एकाने कमेंट केली की, 'मला वाटतंय की मी फिटनेस कंटेंट बनवणं सोडून मॅगी विकायला सुरुवात करावी.' तर दुसऱ्या एकाने खर्चाचा हिशोब मांडत लिहिले आहे, 'ती २१ हजारांची कमाई नाही, तर ३०० पॅकेट मॅगीची एकूण विक्री २१००० रुपये आहे. २० रुपयांच्या ३०० पॅकेटची एकूण किंमत ६०००, गॅस ५००, कच्च्या मालाच्या वाहतुकीचा खर्च ५०००, त्यामुळे एकूण खर्च ९५००. मग तुम्हाला दिवसाला १००० रुपये देऊन एक मदतनीस ठेवावा लागेल. त्यामुळे शेवटी एकूण नफा ८००० रुपये असेल. तरीही हे अनेक पदव्यांपेक्षा चांगले आहे, पण उणे १० अंश तापमानात दररोज संघर्ष करणे कठीण आहे,' अशी कमेंट एकाने केली आहे.
