Bathroom Hygiene : बाथरूममध्ये या 7 वस्तू ठेवताय? लगेच बाहेर काढा
Bathroom Hygiene: आपण घर रोज साफ करतो, पण बाथरूममध्ये ठेवलेल्या काही वस्तूंकडे आपले लक्ष नसते. बाथरूममध्ये कोणत्या वस्तू ठेवू नयेत, याची यादी जाणून घ्या.

बाथरूममध्ये ठेवू नयेत अशा वस्तू
घराचा कोपरा न् कोपरा स्वच्छ ठेवण्याकडे अनेकांचा कल असतो. विशेषतः आपण बाथरूम रोज साफ करतो. पण तिथे आपण नेमक्या कोणत्या वस्तू ठेवतो, हे पाहणेही गरजेचे आहे. बाथरूममधील ओलावा आणि बदलणारे तापमान यामुळे काही वस्तू खराब होऊ शकतात. ओल्या वस्तू जास्त काळ ठेवल्यास तिथे बुरशी लागण्याची शक्यता असते. त्यामुळे बाथरूममध्ये कोणत्या 7 महत्त्वाच्या वस्तू कधीही ठेवू नयेत?

औषधे आणि व्हिटॅमिनच्या गोळ्या
अनेकजण औषधे आणि व्हिटॅमिनच्या गोळ्या बाथरूमच्या कपाटात ठेवतात. पण तिथला ओलावा आणि तापमानातील बदलांमुळे काही औषधांची गुणवत्ता आणि परिणामकारकता कमी होऊ शकते. औषधांच्या पाकिटावर दिलेल्या साठवणुकीच्या सूचनांचे पालन करावे. शक्यतो औषधे थंड, कोरड्या ठिकाणी आणि लहान मुलांच्या हाताला लागणार नाहीत अशा जागी ठेवावीत.
सौंदर्यप्रसाधने
चेहऱ्याला लावायचे क्रीम, मस्कारा, मेकअपचे साहित्य, ब्रश इत्यादी गोष्टी बाथरूममध्ये ठेवणे टाळावे. जास्त ओलाव्यामुळे ते खराब होऊ शकते. विशेषतः ओल्या मेकअप ब्रश आणि स्पंजमध्ये जंतू वाढण्याची शक्यता असते. ते स्वच्छ करून पूर्णपणे सुकल्यानंतरच कोरड्या जागी ठेवावेत.
परफ्यूम
हेअर ड्रायर, केस सरळ करणारे मशीन, इलेक्ट्रिक कर्लर, मोबाईल चार्जर यांसारखी उपकरणे बाथरूममध्ये ठेवू नका. पाणी आणि ओलाव्यामुळे इलेक्ट्रॉनिक वस्तू खराब होऊ शकतात. ओल्या हातांनी इलेक्ट्रॉनिक वस्तू हाताळल्यास शॉक लागण्याची शक्यता असते. त्याचप्रमाणे, परफ्यूम आणि बॉडी स्प्रे उष्णता, ओलावा आणि थेट सूर्यप्रकाश नसलेल्या जागी ठेवणे योग्य आहे.
ओले कपडे
आंघोळीनंतर वापरलेले कपडे बाथरूममध्ये जास्त वेळ ओले ठेवू नयेत. हवा खेळती नसलेल्या ठिकाणी त्यांना दुर्गंधी येते आणि बुरशीही वाढू शकते. जास्तीचे कपडे, बेडशीट आणि इतर कपडेही बाथरूममध्ये ठेवू नका. जुने रेझर आणि आंघोळीचा स्पंज ओला ठेवू नका. ते स्वच्छ धुवून वाळवावेत. गंजलेले किंवा खराब झालेले रेझर लगेच बदलावेत.
पुस्तके आणि कागदपत्रे
काहींना बाथरूममध्ये पुस्तके, वर्तमानपत्र वाचण्याची सवय असते. पण कागद सहजपणे ओलावा शोषून घेतो. यामुळे पुस्तके खराब होतात आणि त्यात बुरशीही वाढू शकते. बुरशीतून निघणाऱ्या कणांमुळे काहींना ॲलर्जी आणि श्वासोच्छवासाचा त्रास होऊ शकतो. त्यामुळे पुस्तके आणि कागदपत्रे कोरड्या ठिकाणी ठेवणे चांगले.
आंघोळीचा स्पंज (लूफा)
बाथरूममध्ये रोज वापरल्या जाणाऱ्या आंघोळीचा स्पंज (लूफा) आणि रेझरमध्ये ओलावा राहिल्यास बॅक्टेरिया आणि बुरशी वाढण्याची शक्यता असते. प्रत्येक वापरानंतर स्पंज चांगला धुवून वाळवावा. खराब झालेल्या किंवा खूप जुन्या झालेल्या वस्तू बदलणे योग्य ठरते.

