दिग्दर्शक अमल नीरद यांच्या आगामी 'बॅचलर पार्टी Deux' सिनेमातील शाईन टॉम चाकोचा कॅरेक्टर पोस्टर नुकताच रिलीज झाला आहे. या सिनेमात शाईन 'गुरू' ही महत्त्वाची भूमिका साकारत आहे.
दिग्दर्शक अमल नीरद यांच्या 'बॅचलर पार्टी Deux' या बहुचर्चित सिनेमातील शाईन टॉम चाकोचा कॅरेक्टर पोस्टर समोर आला आहे. शाईन या सिनेमात 'गुरू' नावाच्या भूमिकेत दिसणार असून, त्याचा हा नवा लुक सध्या चर्चेत आहे. पोस्टरमध्ये शाईनच्या तोंडात सिगारेट आणि हातात बंदूक दिसत आहे. मल्याळम प्रेक्षक या सिनेमाची आतुरतेने वाट पाहत असून, हा सिनेमा १९ नोव्हेंबरला थिएटरमध्ये धडकणार आहे.
२०१२ मध्ये आलेल्या 'बॅचलर पार्टी' या सुपरहिट ॲक्शन सिनेमाचा हा दुसरा भाग आहे. तब्बल १४ वर्षांनंतर हा सिनेमा 'जेन-झी' (Gen-Z) वायबसह प्रेक्षकांच्या भेटीला येत आहे. या सिनेमाचा रेड-गोल्डन रेट्रो बॅकग्राउंड असलेला फर्स्ट लुक आधीच हिट ठरला होता. पहिला भाग कल्ट क्लासिक ठरल्यामुळे दुसऱ्या भागाकडून प्रेक्षकांच्या खूप अपेक्षा आहेत. 'D'EUX' हा एक फ्रेंच शब्द आहे, ज्याचा अर्थ 'दोन' किंवा 'त्यांचे/त्यांच्याबद्दल' असा होतो. यावेळी अमल नीरद यांनी तरुण पिढीतील स्टार्स आणि मल्याळम सिनेसृष्टीतील दिग्गज कलाकारांची तगडी फौज उभी केली आहे.
या सिनेमात नस्लेन, कुंचाको बोबन, सौबिन शाहिर, शराफुद्दीन, श्रीनाथ भासी, चंदू सलीमकुमार, टोविनो थॉमस, शाईन टॉम चाको, पॅरिस लक्ष्मी, नादिया मोइदू, रजीशा विजयन, ज्योथिर्मयी आणि हंसिका कृष्णकुमार अशी तगडी स्टारकास्ट आहे. अमल नीरद प्रॉडक्शन्स, अन्वर रशीद एंटरटेनमेंट्स आणि फहद फासिल अँड फ्रेंड्स या बॅनर्सखाली सिनेमाची निर्मिती होत आहे. अप्पू प्रभाकर यांनी कॅमेरा सांभाळला असून, विवेक हर्षन एडिटर आहेत. ख्रिस्टो झेवियर यांचं म्युझिक, उन्नी आर यांचे डायलॉग्स आणि तपस नायक यांचं साऊंड डिझाईन सिनेमाला लाभलं आहे. जोसेफ नेल्लिकल यांचं प्रॉडक्शन डिझाईन, रफिक अहमद आणि विनायक शशिकुमार यांची गाणी, मेशर हमजा यांचे कॉस्च्युम्स आणि रोनेक्स झेवियर यांचा मेकअप आहे. पीआरओ म्हणून आथिरा दिलजित काम पाहत आहेत.
