President Droupadi Murmu : द्रौपदी मुर्मू हे नाव कोणी दिले? जाणून घ्या राष्ट्रपतींचा प्रेरणादायी प्रवास

16

President Droupadi Murmu : केंद्रीय मंत्री स्मृती इराणी यांनी राष्ट्रपती द्रौपदी मुर्मू यांची विशेष मुलाखत (President Droupadi Murmu Interview) घेतली आहे. या मुलाखतीच्या माध्यमातून राष्ट्रपती मुर्मू यांच्या प्रेरणादायी प्रवासाची कहाणी देशवासीयांसमोर आली आहे. यावेळेस राष्ट्रपती मुर्मू यांनी त्यांच्या नावाशी संबंधित असलेला किस्सा देखील सांगितला.

प्रश्न 1 - द्रौपदी मुर्मू हे नाव तुमच्या शिक्षकांनी दिले आहे, असे मी ऐकले. ते खरे आहे का?

द्रौपदी मुर्मू : खरे आहे. कारण आमच्या समाजामध्ये कुटुंबात पहिल्यांदा मुलगी जन्माला आल्यास तिला आजीचे नाव दिले जाते. मुलगा जन्मल्यास त्याला आजोबांचे नाव दिले जाते. नाव अजरामर व्हावे, अशी यामागील भावना आहे. त्यानुसार ‘दुर्गी’ हे माझ्या आजीचे नाव मला मिळाले. पण माझ्या शिक्षकांना हे नाव आवडले नाही. तर त्यांनी मला ‘द्रौपदी’ हे नाव दिले.

26

प्रश्न 2 - इयत्ता पाचवीच्या पुढे शिक्षण घेणाऱ्या गावातील पहिल्या मुलीने राष्ट्रपती होण्याचे स्वप्न होते का?

द्रौपदी मुर्मू : मी एक सामान्य मुलगी होते. तास-न्-तास तलावामध्ये पोहत असे. मी कधीही असे स्वप्न पाहिले नव्हते की मला राष्ट्रपती व्हायचे आहे.

36

प्रश्न 3 - देशातील नागरिकांनी आपल्याला नुकतेच मेट्रोतून प्रवास करताना पाहिले. राष्ट्रपती म्हणून हा अनुभव कसा होता?

द्रौपदी मुर्मू : सामान्य नागरिकांप्रमाणे अनुभव घेण्याचा मी देखील विचार केला. हजारो लोक मेट्रोने प्रवास करतात. आपल्या ऑफिस तसेच कामाच्या ठिकाणी जातात. मेट्रोची रचना कशी करण्यात आली आहे, हे मला देखील पाहायचे होते.

46

प्रश्न 4 - वर्ष 1997मध्ये आपण नगरसेवकपदाची निवडणूक लढवण्याचा निर्णय घेतला. त्यावेळेस घरातील वातावरण कसे होते?

द्रोपदी मुर्मू : सुरुवातीस मी तयार नव्हते, कारण मुले लहान होती. पण नंतर मी विचार केला. राजकारणाकडे थोडासा कल होताच, पण त्या काळात महिला राजकारणामध्ये फारशा येत नसे. माझ्या पतीने मला निवडणूक लढवण्यास सांगितले. यानंतर मी नगरसेवकपदाची निवडणूक लढवली आणि विजय देखील मिळवला.

56

प्रश्न 5 - राष्ट्रपतीपदाचे उमेदवार म्हणून तुमच्या नावाची घोषणा करण्यात आल्याची माहिती आपणास सर्वप्रथम समजली. तेव्हा तुम्ही फोनचे उत्तर देत नव्हतात, असे मी ऐकले. ‘फोन उचला, तुमच्या उमेदवारीसंदर्भात घोषणा होत आहे’, हा संदेश देण्यासाठी कोणीतरी सायकल चालवून तुमच्यापर्यंत आले होते.

द्रौपदी मुर्मू : बरोबर आहे. माझा फोन कधी-कधी संपर्क क्षेत्राच्या बाहेर असल्याने लागत नाही. अनोळखी क्रमांकावरून आलेल्या फोनचे मी उत्तर देत नाही. राज्यपाल म्हणून कार्यरत असताना एक पी.एस. होते, ते एका मेडिकल स्टोअरमध्ये काम करत होते. त्यांचा फोन आला. दिल्लीहून फोन येत असल्याची माहिती त्यांनी मला दिली. तुम्ही फोनचे उत्तर देत नसल्याने मी धावत-धावत आलो आहे. त्यांचे हात पाय थरथरत होते. पंतप्रधानांना तुमच्याशी बोलायचे आहे, असे ते म्हणाले.

पंतप्रधानांना माझ्याशी का बोलायचे आहे, याचे मला आश्चर्य वाटू लागले. मग त्यांनी आलेल्या क्रमांकावरच फोन लावला. समोरून मला पंतप्रधानांचा (PM Narendra Modi) आवाज ऐकू आला. ते म्हणाले की, आम्हाला तुम्हाला राष्ट्रपती करायचे आहे. मी याचा कधीही विचार केला नव्हता. माझे हातपाय पूर्णपणे सुन्न पडले होते. यावर मी काही बोलूही शकले नव्हते.

66

संपूर्ण मुलाखत येथे पाहा

आणखी वाचा :