Narendra Modi : अमूलच्या सुवर्ण महोत्सवी सोहळ्याला पंतप्रधान नरेंद्र मोदींनी लावली हजेरी

Narendra Modi : पंतप्रधान नरेंद्र मोदी गुरुवारी अहमदाबादला पोहोचले. नरेंद्र मोदी स्टेडियमवर गुजरात कोऑपरेटिव्ह मिल्क मार्केटिंग फेडरेशनच्या सुवर्ण महोत्सवी सोहळ्याला ते उपस्थित होते. दूध आणि त्यापासून बनवलेले पदार्थांची 'अमूल'(Amul) ब्रँडखाली विक्री केली जाते.

'अमूल' ब्रँड आपल्या अनोख्या जाहिरातींमुळे कायमच चर्चेत असतो. अमूलने आयोजित केलेले आगळेवेगळे प्रदर्शन पंतप्रधानांनी पाहिले. गुजरातमधील 1.25 लाखाहून अधिक दुग्ध उत्पादक शेतकरी गुजरात सहकारी दूध विपणन महासंघाशी संबंधित आहेत. हे शेतकरी 18,600 गावांमध्ये राहतात.

पंतप्रधान मोदींनी गुरुवारी पाच नवीन डेअरी प्रकल्पांचे उद्घाटन केले. त्यात साबर डेअरीच्या आधुनिक चीज प्लांटचा समावेश आहे. त्याला तयार करण्यासाठी 600 कोटी रुपये खर्च करण्यात आले. यासोबतच अमूल डेअरीचा दीर्घकाळ चालणारा टेट्रा पॅक मिल्क प्लांट आणि त्याचा आनंद येथील चॉकलेट प्लांटचा विस्तार करण्यात आला आहे. नरेंद्र मोदींनी (Narendra Modi) गुजरातमधील कच्छमध्ये सरहद डेअरीच्या 50,000 लिटरच्या आइस्क्रीम प्लांटचेही उद्घाटन केले.

भारतात अनेक ब्रँड बनले, पण अमूलसारखा एकही नाही.
अमूल ब्रँडबद्दल, पंतप्रधान मोदी आपल्या भाषणात म्हणाले, “भारताच्या स्वातंत्र्यानंतर देशात अनेक ब्रँड तयार झाले, परंतु अमूलसारखे कोणीही झाले नाही. आज अमूल हे भारतातील दुग्धउत्पादकांच्या ताकदीचे प्रतीक बनले आहे. अमूल (Amul) म्हणजे विश्वास, अमूल म्हणजे विकास, अमूल म्हणजे लोकसहभाग, अमूल म्हणजे शेतकऱ्यांचे सक्षमीकरण. अमूल म्हणजे काळासोबत आधुनिकतेचे एकत्रीकरण, अमूल म्हणजे भारताच्या आत्मनिर्भरतेची प्रेरणा. अमूल म्हणजे मोठी स्वप्ने, मोठे संकल्प आणि त्याहूनही मोठी उपलब्धी. 

आज अमूलची उत्पादने जगातील 50 हून अधिक देशांमध्ये निर्यात केली जातात. 18 हजारांहून अधिक दूध सहकारी गट, 36 लाख शेतकऱ्यांचे जाळे, दररोज 3.5 कोटी लिटरहून अधिक दूध संकलन आणि दुग्धउत्पादकांना दररोज 200 कोटींहून अधिक ऑनलाइन पेमेंट करणे, हे सोपे काम नाही. लहान पशुपालकांची ही संघटना आज मोठ्या प्रमाणावर कार्यरत असून हीच संघटनेची ताकद आहे.”

आणखी वाचा : 
Sandeshkhali Case : ममता बॅनर्जी संदेशखळीतील कोणते सत्य लपवण्याचा करताहेत प्रयत्न? BJPने जारी केली डॉक्युमेंट्री
Satyapal Malik : जम्मू-काश्मीरचे माजी राज्यपाल सत्यपाल मलिक यांच्या घरावर CBIचा छापा, जाणून घ्या संपूर्ण प्रकरण
ऊस उत्पादक शेतकऱ्यांना मोदी सरकारचा दिलासा, खरेदी दरात वाढ केल्यानंतर पंतप्रधानांनी दिली अशी प्रतिक्रिया