PM Kisan Installment : ३० ऑक्टोबरला खात्यात येणार हप्ता! पण त्याआधी हे काम नक्की करा
पीएम किसान सन्मान निधी योजनेचा पुढचा २००० रुपयांचा हप्ता ३० ऑक्टोबरला शेतकऱ्यांच्या बँक खात्यात जमा होणार आहे. पण, हे पैसे मिळवण्यासाठी शेतकऱ्यांना काही महत्त्वाची कामं पूर्ण करावी लागणार आहेत.
शेतकऱ्यांच्या खात्यात २००० रुपये
देशभरातील लाखो शेतकरी पीएम किसान सन्मान निधी योजनेच्या पुढच्या हप्त्याची वाट पाहत आहेत. ३० ऑक्टोबरला शेतकऱ्यांच्या खात्यात २००० रुपये जमा होतील. पण, हे पैसे मिळवण्यासाठी शेतकऱ्यांनी एक महत्त्वाचं काम पूर्ण करणं गरजेचं आहे.
e-KYC पूर्ण न केल्यास पैसे अडकू शकतात
सरकार लवकरच पात्र शेतकऱ्यांच्या बँक खात्यात थेट २००० रुपये पाठवणार आहे. पण, तारीख जाहीर झाली म्हणजे नोंदणी केलेल्या सर्वांनाच पैसे मिळतील असं नाही. तुमची कागदपत्रं अपूर्ण असतील किंवा तुम्ही e-KYC पूर्ण केलं नसेल, तर पैसे यायला उशीर होऊ शकतो.
पैसे मिळवण्यासाठी या अटी पूर्ण करा
या वेळी पैसे मिळवण्यासाठी शेतकऱ्यांनी काही अटी पूर्ण करणं आवश्यक आहे. बँक खात्याला आधार कार्ड लिंक करणं आणि जमिनीच्या कागदपत्रांची पडताळणी करणं खूप महत्त्वाचं आहे. अर्जात दिलेली माहिती अचूक असावी. त्यात काही चूक असेल तर पैसे मिळायला उशीर होईल.
तुमचं स्टेटस असं चेक करा
शेतकरी pmkisan.gov.in या वेबसाईटवर जाऊन त्यांचं स्टेटस चेक करू शकतात. सर्वात आधी वेबसाईट ओपन करा आणि 'know your status' या पर्यायावर क्लिक करा. तुमचा रजिस्ट्रेशन नंबर (Registration number) टाका, स्क्रीनवर दिसणारा कॅप्चा कोड टाईप करा आणि 'Get OTP' वर क्लिक करा. ओटीपी आल्यावर तो टाकल्यास तुम्हाला तुमचं स्टेटस दिसेल.
हप्ता मिळण्यास होऊ शकतो उशीर
पीएम किसान योजनेसाठी अर्ज करताना शेतकऱ्यांनी सर्व माहिती अचूक भरणं गरजेचं आहे. वैयक्तिक माहितीत कोणतीही चूक असू नये. माहितीत काही तफावत आढळल्यास हप्त्याचे पैसे मिळण्यात अडचण येऊ शकते.
