NEET च्या वादग्रस्त प्रश्नांची चौकशी करा, सर्वोच्च न्यायालयाचे आदेश

Neet Paper Leak Scam : NEET प्रकरणाच्या सुनावणीदरम्यान सर्वोच्च न्यायालयाने सांगितले की, 2 योग्य पर्यायांसह भौतिकशास्त्राचा प्रश्न क्रमांक 19 तपासला पाहिजे. 2 योग्य पर्याय दिल्याने 44 विद्यार्थ्यांना बोनस गुण मिळाले आणि 4.2 लाख उमेदवारांचे नुकसान झाले. यावर आयआयटी दिल्लीच्या तज्ज्ञांचे मत घेतले पाहिजे. IIT दिल्लीच्या संचालकांनी 2 उत्तरांसह प्रश्नाची चौकशी करण्यासाठी 3 सदस्यांची तज्ञ समिती तयार करावी, असा आदेश न्यायालयाने दिला. तज्ज्ञांची टीम योग्य पर्याय निवडून दुपारी १२ वाजेपर्यंत आपले मत निबंधकांकडे पाठवेल.

NEET घोटाळ्याप्रकरणी सर्वोच्च न्यायालयात 40 हून अधिक याचिकांवर सुनावणी

NEET घोटाळ्याप्रकरणी सर्वोच्च न्यायालयात 40 हून अधिक याचिकांवर सुनावणी CJI DY चंद्रचूड यांच्या खंडपीठासमोर संपली. ही चौथी सुनावणी होती. पुढील सुनावणी उद्या म्हणजेच मंगळवारी होणार आहे. पुढे, CJI ने याचिकाकर्त्यांना सोमवारी संध्याकाळपर्यंत अर्ध्या पानात NEET UG रीटेस्टच्या बाजूने युक्तिवादांचे लेखी सबमिशन ई-मेल करण्यास सांगितले आहे.

एनटीएने 3300 हून अधिक विद्यार्थ्यांना चुकीचे पेपर दिल्याचे केले मान्य 

सुनावणीदरम्यान एनटीएने 3300 हून अधिक विद्यार्थ्यांना चुकीचे पेपर दिल्याचे मान्य केले. त्यांना एसबीआयऐवजी कॅनरा बँकेचा पेपर देण्यात आला. CJI म्हणाले आरोपींचे म्हणणे वेगळे आहे. पेपर लीकची घटना (4 मे) रात्री घडली असेल, तर साहजिकच ही गळती वाहतुकीदरम्यान झाली नसून स्ट्राँग रूमच्या व्हॉल्टच्या आधी झाली होती.

NEET चा पेपर ४ मे रोजी लीक झाला होता

त्यावर हुड्डा यांनी पेपर फुटल्याचे उत्तर दिले. तो व्हॉट्सॲपवर शेअर केला होता. ही गळती ४ मे रोजी झाल्याचे बिहार पोलिसांच्या तपासात स्पष्ट झाले आहे. प्रश्नपत्रिका बँकांमध्ये जमा करण्यापूर्वीच फुटली होती. या गळतीमागे संपूर्ण टोळीचा हात आहे. कोणत्याही शिपायाकडून पेपर फुटल्याचे हे प्रकरण नाही. बिहार पोलिसांना या प्रकरणाशी संबंधित केस डायरी, अहवाल असे सर्व साहित्य सादर करण्यास सांगितले आहे.

याचिकाकर्त्यांतर्फे ज्येष्ठ वकील नरेंद्र हुडा यांच्यासह संजय हेगडे आणि मॅथ्यूज नेदुमपारा, तर सॉलिसिटर जनरल (एसजी) तुषार मेहता एनटीए आणि केंद्रातर्फे हजर आहेत.

आणखी वाचा :

शेतकरी संघटनांचे 1 ऑगस्टला आंदोलन तर 15 ऑगस्टला ट्रॅक्टर मार्च

NEET चा पेपर बँकेत जमा होण्यापूर्वीच झाला लीक, न्यायालयाने व्यक्त केली चिंता

Economic survey 2023-24: जाणून घ्या 2025 मध्ये भारत किती वेगाने प्रगती करेल?