आंध्र प्रदेश शपथविधी सोहळा Live : चंद्राबाबू नायडू काही वेळात मुख्यमंत्रिपदाची शपथ घेणार, पंतप्रधान नरेंद्र मोदी उपस्थित राहणार

टीडीपी  प्रमुख एन चंद्राबाबू नायडू आज सकाळी 11.27 वाजता आंध्र प्रदेशच्या मुख्यमंत्रीपदाची शपथ घेणार आहेत. या शपथविधी सोहळ्याला पंतप्रधान नरेंद्र मोदी उपस्थित राहणार आहेत. चंद्राबाबू नायडू विजयवाडाच्या बाहेरील केसरपल्ली येथील गन्नावरम विमानतळासमोरील मेधा आयटी पार्कमध्ये शपथ घेणार आहेत. अभिनेते-राजकीय जनसेनेचे प्रमुख पवन कल्याण उपमुख्यमंत्रिपदाची शपथ घेऊ शकतात.

या शपथविधी सोहळ्याला नरेंद्र मोदींसोबत गृहमंत्री अमित शहा देखील उपस्थित राहणार आहेत. अमित शहा मंगळवारी रात्री आंध्र प्रदेशात पोहोचले. त्यांनी घरी जाऊन नायडू यांची भेट घेऊन त्यांचे अभिनंदन केले. या शपथविधी सोहळ्याला बिहारचे मुख्यमंत्री नितीश कुमार, राजस्थानचे मुख्यमंत्री भजनलाल शर्मा, उत्तराखंडचे मुख्यमंत्री पुष्कर सिंह धामी आणि महाराष्ट्राचे मुख्यमंत्री एकनाथ शिंदे उपस्थित राहणार आहेत.

'हे' आमदार आंध्र प्रदेश सरकारमध्ये मंत्री होतील
1. नारा लोकेश

2. पवन कल्याण

3. किंजरापु आचेन नायडू

4. कोल्लू रवींद्र

5. नदेंडला मनोहर

6. पी. नारायण

7. वंगालपुडी अनिता

8. सत्यकुमार यादव

9. निम्माला राम नायडू

10. एनएमडी फारुक

11. अनाम रामनारायण रेड्डी

12. पय्यावुला केशवा

13. अंगणी सत्य प्रसाद

14. कोलुसु पार्थसारधी

15. डोला बालवीरंजनेय स्वामी

16. गोट्टीपती रवि कुमार

17. कंदुला दुर्गेश

18. गुम्मडी संध्याराणी

19. बीसी जर्धन रेड्डी

20. टीजी इंडिया

21. एस. सविता

22. वासमशेट्टी सुभाष

23. कोंडापल्ली श्रीनिवास

24. मंडीपल्ली रामा प्रसाद रेड्डी

चिरंजीवी-रजनीकांत यांच्यासह अनेक दिग्गज मंडळी या कार्यक्रमाला उपस्थित राहणार आहेत.

चिरंजीवी (पवन कल्याणचा मोठा भाऊ) त्यांचा मुलगा अभिनेता राम चरणसह या कार्यक्रमाला उपस्थित राहणार आहे. यासोबतच रजनीकांत आणि मोहन बाबू यांसारखे इतर अनेक हाय-प्रोफाइल लोकही या कार्यक्रमाला उपस्थित राहू शकतात. जनसेना प्रमुख पवन कल्याण यांचा पुतण्या अल्लू अर्जुन यांनाही या कार्यक्रमासाठी आमंत्रित करण्यात आले आहे. चंद्राबाबू नायडू यांचे पुतणे ज्युनियर एनटीआर यांनाही आमंत्रित करण्यात आले आहे.

आंध्र प्रदेशचे मुख्यमंत्री म्हणून चंद्राबाबू नायडू यांची ही चौथी टर्म असेल. आंध्र विधानसभा निवडणुकीत नायडूंच्या तेलुगू देसम पक्षाला 175 पैकी 135 जागा मिळाल्या आहेत.