राहुल सांकृत्यान दिग्दर्शित 'रणबाली' हा एक ऐतिहासिक चित्रपट आहे. यात विजय देवरकोंडा आणि रश्मिका मंदाना मुख्य भूमिकेत आहेत.
भारतीय इतिहास आणि संस्कृतीवर प्रभाव टाकणाऱ्या शूरवीरांची कथा सांगणारा 'रणबाली' हा चित्रपट सध्या चांगलाच गाजतोय. विजय देवरकोंडा आणि रश्मिका मंदाना स्टारर हा चित्रपट १६ ऑक्टोबरला थिएटरमध्ये रिलीज झाला. आता या चित्रपटातील एक नवं व्हिडिओ साँग मेकर्सनी रिलीज केलं आहे. अजय-अतुल यांनी संगीतबद्ध केलेलं 'कारू निसले' हे गाणं नुकतंच प्रेक्षकांच्या भेटीला आलं आहे.
या चित्रपटाला बॉक्स ऑफिसवरही चांगला प्रतिसाद मिळतोय. 'रणबाली'ने आतापर्यंत जगभरात ७५ कोटी रुपयांची कमाई केली आहे. राहुल सांकृत्यान यांनी या चित्रपटाचं दिग्दर्शन केलंय. तर, मैत्री मुव्ही मेकर्सच्या बॅनरखाली नवीन येरनेनी आणि वाय. रविशंकर यांनी चित्रपटाची निर्मिती केली आहे. या चित्रपटात विजय देवरकोंडा 'रणबाली'च्या भूमिकेत आहे, तर रश्मिका मंदाना 'जयम्मा'ची भूमिका साकारत आहे. याआधी रिलीज झालेलं 'एंथय्या सामी' हे गाणंही सुपरहिट ठरलं होतं. ट्रेलरमध्ये विजय देवरकोंडाचा कधीही न पाहिलेला आणि अंगावर काटा आणणारा लूक पाहायला मिळाला होता.
१८७६ ते १८७८ या ब्रिटिश राजवटीच्या काळात जीव गमावलेल्या सुमारे ८० लाख भारतीयांना हा चित्रपट श्रद्धांजली वाहतो. त्या काळात भारतात घडलेल्या खऱ्या ऐतिहासिक घटनांवर हा चित्रपट आधारित आहे. विजय देवरकोंडा यात "सिंगनमला बोब्बिली रणबाली" या शूर योद्ध्याच्या भूमिकेतून प्रेक्षकांना थक्क करणार आहे. टी-सीरीज हा पॅन-इंडिया चित्रपट प्रेक्षकांसमोर सादर करत आहे. विशेष म्हणजे, या भव्य चित्रपटात 'द ममी', 'द ममी रिटर्न्स' आणि 'ब्लड डायमंड' फेम हॉलिवूड अभिनेता अर्नोल्ड वोस्लू हा खलनायकाच्या भूमिकेत दिसणार आहे. तो सर थिओडोर हेक्टर या ब्रिटिश अधिकाऱ्याची भूमिका साकारत आहे.
