रजनीकांतचा 'जेलर 2' सिनेमा 15 ऑक्टोबरला थिएटरमध्ये धडकला. नेल्सनने दिग्दर्शित केलेल्या या सिनेमाने केरळमध्ये 800 स्क्रीन्सवर रेकॉर्डब्रेक ओपनिंग घेतली असून, जगभरात आतापर्यंत 750 कोटींची बंपर कमाई केली आहे.
रजनीकांत मुख्य भूमिकेत असलेला आणि नेल्सनने दिग्दर्शित केलेला 'जेलर 2' 15 ऑक्टोबरला प्रेक्षकांच्या भेटीला आला. केरळमध्ये या सिनेमाने 800 स्क्रीन्सवर रिलीज होत नवा इतिहास रचला आहे. पहिल्याच दिवशी तिथे तब्बल 4000 शोज दाखवले गेले. कलानिधी मारन यांनी सन पिक्चर्सच्या बॅनरखाली या सिनेमाची निर्मिती केली असून, केरळमध्ये श्री गोकुळम गोपालन यांच्या 'श्री गोकुळम मूव्हीज'ने त्याचे वितरण केले आहे. सॅकनिल्कच्या (Sacnilk) रिपोर्टनुसार, 'जेलर 2' ने आतापर्यंत जगभरातील बॉक्स ऑफिसवर 750 कोटी रुपयांची तगडी कमाई केली आहे.
मल्याळम सुपरस्टार मोहनलाल यांची या सिनेमातील एन्ट्री, केरळमध्ये मिळणाऱ्या तुफान प्रतिसादाचे मुख्य कारण ठरली आहे. पहिल्या भागात पाहुण्या कलाकाराच्या भूमिकेतून टाळ्या मिळवणारे मोहनलाल दुसऱ्या भागातही दिसणार असल्याने मल्याळी प्रेक्षकांची उत्सुकता शिगेला पोहोचली होती. रजनीकांत आणि मोहनलाल या दोन दिग्गजांना मोठ्या पडद्यावर एकत्र पाहण्याची क्रेझ प्रेक्षकांमध्ये स्पष्ट दिसतेय. थिएटरमधून येणाऱ्या प्रतिक्रियांनुसार, सिनेमातील सर्वच पाहुण्या कलाकारांनी जबरदस्त काम केले आहे.
'जेलर'च्या ब्लॉकबस्टर यशानंतर रजनीकांत पुन्हा एकदा 'मुथुवेल पांडियन'च्या भूमिकेत परतले आहेत, तर त्यांच्यासोबत शिव राजकुमार यांचीही वापसी झाली आहे. याशिवाय सुराज वेंजरामूडू, एस. जे. सूर्या, विद्या बालन, मिथुन चक्रवर्ती, योगी बाबू आणि हकीम शाहजहान यांसारखी तगडी स्टारकास्ट सिनेमात आहे. सिनेमाचे लेखन आणि दिग्दर्शन नेल्सन यांनी केले आहे. कलानिधी मारन हे निर्माते असून, सन पिक्चर्सचे बॅनर आहे. विजय कार्तिक कन्नन यांनी सिनेमॅटोग्राफी, आर. निर्मल यांनी एडिटिंग आणि अनिरुद्ध रविचंदरने म्युझिक दिले आहे.
सिनेमाच्या पडद्यामागील टीमही तितकीच भक्कम आहे. प्रोडक्शन डिझायनर: डॉ. के. किरण, ॲक्शन: चेतन डिसूझा, कॉस्च्युम डिझायनर: पल्लवी सिंग आणि मुथुल हाफिज, साउंड मिक्स: सुरेन जी., साउंड डिझाईन: सुरेन जी. आणि एस. अळगियाकूथन, कलरिस्ट: अँड्रियास ब्रुकेल, डीआय लॅब: अन्नपूर्णा स्टुडिओ, व्हीएफएक्स प्रोड्युसर: संतोष राजू, मेकअप: पट्टणम रशीद आणि सी. हरिनाथ, स्टिल्स: व्ही. सिथिरसू, पब्लिसिटी डिझाईन: कबिलन चेलय्या, प्रोडक्शन कंट्रोलर: डी. रमेश कुचिरायर आणि आर. एस. सुरेश मणियन, एक्झिक्युटिव्ह प्रोड्युसर: सुनील रेड्डी, पीआरओ: शबरी.
