- Home
- Entertainment
- Raja Saab Day 1 Box Office Collection : प्रभासकडून कॉमेडी, हॉरर आणि थ्रीलरवर अपेक्षाभंग!
Raja Saab Day 1 Box Office Collection : प्रभासकडून कॉमेडी, हॉरर आणि थ्रीलरवर अपेक्षाभंग!
Raja Saab Day 1 Box Office Collections Prabhas Film Earns Big : प्रभासचा 'द राजा साब' हा चित्रपट शुक्रवारपासून चित्रपटगृहांमध्ये प्रदर्शित झाला आहे. या चित्रपटाला प्रेक्षकांकडून संमिश्र प्रतिसाद मिळाला आहे.
हॉरर कॉमेडी चित्रपट 'द राजा साब'
प्रभासच्या 'द राजा साब'चे दिग्दर्शन मारुती यांनी केले आहे. पीपल्स मीडिया फॅक्टरीने याची निर्मिती केली. यात मालविका मोहनन, निधी अग्रवाल, रिद्धी कुमार आणि संजय दत्त मुख्य भूमिकेत आहेत. हा एक फँटसी, हॉरर-कॉमेडी आणि सायकोलॉजिकल थ्रिलर चित्रपट आहे.
'द राजा साब'ला संमिश्र प्रतिसाद
शुक्रवारी जगभरात प्रदर्शित झालेल्या या चित्रपटाला प्रेक्षकांचा संमिश्र प्रतिसाद मिळत आहे. चित्रपट अपेक्षेप्रमाणे नसल्याचे अनेकांचे म्हणणे आहे. काही प्रेक्षकांच्या मते, प्रभाससारख्या पॅन इंडिया स्टारकडून अशा कॉमेडी चित्रपटाची अपेक्षा नव्हती. तर काहींना चित्रपटातील कॉमेडी, हॉरर आणि थ्रिलर घटक आवडले आहेत.
'द राजा साब'ची पहिल्या दिवसाची कमाई
'द राजा साब'ने पहिल्या दिवशी किती कमाई केली हे जाणून घेण्याची उत्सुकता आहे. Sacnilk नुसार, चित्रपटाने पहिल्या दिवशी जगभरात १०१ कोटी रुपये कमावले आहेत. भारतात ७५ कोटी आणि परदेशात २६ कोटींची कमाई केली. भारतातील निव्वळ कमाई ६३ कोटी रुपये आहे.
'द राजा साब'ची राज्यनिहाय कमाई
राज्यनिहाय कमाई पाहिल्यास, तेलुगू राज्यांमध्ये ५७ कोटी, तामिळनाडूमध्ये दीड कोटी, कर्नाटकात आठ कोटी, केरळमध्ये १५ लाख आणि उत्तर भारतात साडेसात कोटींची कमाई केली आहे. तेलंगणामध्ये प्रीमियर रद्द झाल्याने मोठा फटका बसला आणि सुमारे पाच ते सहा कोटींचे नुकसान झाले.
'द राजा साब'ची अनपेक्षित कमाई
व्यापार विश्लेषकांच्या मते, ही कमाई अपेक्षेप्रमाणेच आहे. चित्रपट १०० कोटींचा टप्पा पार करणे कठीण वाटत होते, पण पहिल्या दिवशी चांगली कमाई केली. शनिवार आणि रविवारच्या कमाईवर चित्रपटाचे भवितव्य अवलंबून आहे, अन्यथा चित्रपट अयशस्वी ठरू शकतो.
'द राजा साब'चे बॉक्स ऑफिस लक्ष्य
'द राजा साब'चे बजेट सुमारे ४०० कोटी आहे. चित्रपट उशिरा आल्याने बजेट वाढले. ६०० कोटींहून अधिक कमाई केल्यासच निर्माता सुरक्षित राहील. आता हा चित्रपट निर्मात्याला तारतो की मारतो हे पाहणे महत्त्वाचे ठरेल.
